EXPOSITIO TEXTUS.

Littera sic legatur : Tales proprietates declarat nomen Cherubin. Autem, id est, ipsa denominatio sedium, id est, Thronorum, altissimarum, quantum ad receptum et modum recipiendi, et compactarum, id est, unitarum uno affectu subjiciendi se Deo, docet eas exaltari diligenter, id est, perfecte, omni ignominia subjectionis, id est, quae facit subjici, id est, a progressu tendente ad infima, secundum Commentatorem, id est, non procedunt per affectum ad res viles ut eis subjiciantur, sed tantum Deo, in quo natura eorum exaltatur. Et docet sursum ferens eorum, id est, proprietatem qua Deum in se habentes et quiescentes in ipso, feruntur ad summum, scilicet Deum immediate, supermundane , id est, super modum corporalis lationis et intellectus nostri qui per imaginem et vestigium venit in Deum. Et docet collocatum eorum, id est, collocationem qua collocantur, ineffabiliter, quia super rationem nostram est simpliciter ratione ejus in quo collocantur, in sublimissimum, quia non resistitur usque ad Deum omnibus sublimiorem. Et collocatum dico circa vere excelsum, scilicet circa Deum, ad differentiam aliorum quae non vere, sed forte apparenter sunt excelsa, et non nisi secundum quid sibi appropinquant. Collocatum dico circa

Deum totis virtutibus quantum ad congregationem virtutum circa ipsam, in-commutabiliter , In quantum virtutes non mutant, et stabiliter, quantum ad permanentiam in ipso. Collocatum dico omni extremitate, id est, per recessum ab omni infirmitate : et per hoc superponuntur his quae habent aliquid nobilitatis, et tamen in infimo gradu : extremitas enim est aliquid rei. Per hoc autem quod dixit ab ignominia, separavit ab his quae nihil habent dignitatis. Et docet acceptivum eorum, id est, proprietatem qua receptivae sunt, divini superadventus, in quo notatur eminentia veniendi in eas respectu inferiorum, et hoc in omni impassibilitate, in quantum non est receptio contrarii, sed perfectionis, et immaterialitate, in quantum non re-

cipit per motum sicut materia. Et docet dei ferum eorum, id est, dispositionem qua Deum ferunt, se in ipsum ferendo, qui tamen in eis est. Et docet apertum eorum, id est, praeparationem eorum per amotionem cujuslibet obstaculi quod posset claudere eorum intellectum vel affectum In susceptiones divinas secundum multitudinem illuminationum : et quia quotidie renovantur in receptionem Dei : et hoc famulariter, i d est, subjiciendo se sibi, quidem, id est, certe haec est declaratio nominum ipsorum, id est, trium ordinum, id est, haec declarant, quantum ad nos, id est, secundum aestimationem nostram.

7