DIVISIO ET EXPOSITIO TEXTUS.

A. Puras igitur eas, etc.

Hic ostendit qualiter sit in eis purgatio et illuminatio. Et dividitur in tres partes. In prima ostendit qualiter illuminantur et purgantur quantum ad speculationem intellectualem. In secunda quantum ad speculationem symbolicam, ibi (sig. 9), Contemplativasque iterum. In tertia qualiter recipiunt illuminationes a Domino Jesu Christo secundum humanam naturam, ibi (sig. 9 circa medium), Communicatione autem Jesu, etc,

Sed quod omnino imminutione omni, omnique re sacra sibi subdita celsiores, prae summa puritate, omnibus etiam, vel maxime deiformibus virtutibus, sint antepositae, ordinisque sui motum proprium aequabilemque per amorem Dei constanter teneant invariatum, neque ullam in deterius agnoscant imminutionem, sed inconcussam semper et immobilem deiformis suae proprietatis sedem habeant.

Littera sic legatur : Ex quo hierarc est in eis altissima, aestimandum est eas, scilicet primas essentias, esse puras, id est, depuratas sive purgatas, non ut liberatas ab immundis masculis, scilicet culpae, a qua non purgantur, quia non est in eis, et non ut liberatas ab inquinationibus, quas scilicet contrahit natura spiritualis, vel ex reliquiis culpas, vel ex unione inferioris naturae, sicut anima unitur corpori : et haec non est inquinatio simpliciter, sed sic in quantum aliquid naturalis puritatis spiritualis amittit ex unione corporis, etiamsi non esset peccatum : haec autem non sunt in. Angelis maxime supremis, et hoc quantum ad affectum : neque aestimamus eas purgari ut receptivas materialium phantasiarum, quantum ad intellectum earum quem oporteat ab his purgari.