199. De s. Nicolao Myrensi.

1. Almi Nicolai sollemnitate digna

2. Plebs pangat fida carmina
redemptori
sanctis concedens gaudia

3. Aulae caelestis maxima,
quem collaudat
angelorum militia

4. Psallens "Sanctus" voce prae-
procul pulsa [ clara

omnis metae mora.

5. Omnis nostra ergo caterva
gratulando

clangat "Alleluia "

6. Nicolao, qui in infantia
semel matris sugit ubera.

7. Hanc illi concessit gratiam
pietas certe divina.

8. Luxuriam quondam foetidam
auri vicit per famam.

9. Deus, qui creasti cuncta,
tua sunt haec munera.

10. Mirabilem doctorem
plebi dedisti tuae.
Iam nunc ergo precamur,
quo tua monita

11. Queamus adimplere
ipso interpellante,
qui tres morti addictos
reddidit vitae.

12. In mari et terra

subvenit eius clementia,

13. Mente quod sincera

secutus Dei est vestigia.

14. Prostratos delicto
proprio

ne perire nos permittas
tuo suffragio,

15. Sancte Dei praesul,
oramus ;

celeberrimus es fama
orbis per climata.

16. Tu nos tuo suffragio.

cuncta salva per tempora,

17. Qui hodie uranica
laetaris in gloria.

18. Trinitati semper sit doxa.