PARISIEN. 211

comitem Arthurum consanguineum familiae puellae rogavit, ut penes Mariam eiusque matrem instaret ad hoc, ut vel nuptiae cum filio conciliarentur, vel omnis abrumperetur tractatus. Comes Mariam persuadere conatus est, sed ut ipse refert, illa desideriis Roberti haud annuere voluit, eo quod « elle le trouvait insuffisant et ne lui plai- sait pas ».

Roberti mater, hoc responso accepto, litteras dedit idem petens, ad Mariae matrem, sed, uti nunc refert, « La de- mande fut mal accueillie par la jeune fille, non par sa mère ».

Tunc, ut Maria ad matrimonium induceretur, fertur, huius matrem et Robertum convenisse, quod ipse per duos tresve annos iure coniugali haud uteretur et praecipue filios susci- pere vitaret. Imo Mariae mater, ut quamprimum filiam mo- veret, proprias aeconomicas difficultates ei manifestavit, eis- que nullo alio modo mederi posse ostendit, nisi per matri- monium cum Roberto ineundum. Ideoque per nuptias Maria Roberto coniungi acquievit, atque statutum fuit has cele- brandas fore mense Iunio 1879.

At cum nonnulli menses interfluere deberent ante nu- ptias celebrandas, hinc instante matre Mariae, iter ad Montes Pyreneos aggressum fuit una cum familia Roberti. Quo in itinere, narratur, Mariam irae et antipathiae impetu actam in Robertum, annulum sponsalitium ab eo acceptum, in huius faciem iniecisse. Ex quo nuptiae disruptae fuissent, nisi Mariae mater sollicita curasset, ut pax inter sponsos rediret ; ac tunc matrimonium ad diem 16 Octobris 1879 definitive demandatum fuit.

Statuto itaque die, Robertus et Maria, praemisso pseudo matrimonio civili, et matrimoniali foedere iuncti sunt in Ec- clesia S. Petri du Gros Caillon Lutetiae Parisiorum assi- stente R. P. Didon Ord. Praed. a parocho delegato, qui una cum primo suo vicario nuptiali caeremoniae adfuit.

Robertus prima nuptiarum nocte, sicuti refert, debitum coniugale petiit, sed sponsa reddere recusavit, ipsumque adeo inurbane repulit, ut noctibus insequentibus, nec commune