205. De s. Paulo Apostolo.

1. Sollemnitas

2. Sancti Pauli

devote est recolenda,

3. Quem Dominus
tanta ditavit gratia,

4. Ut doctor gentium

ab omni vocetur ecclesia,

5. Agnus de lupo, de
persecutore evangelista.

6. Mutata sunt opera,
mutatur et onoma:
Paulus nominatur,
qui Saulus ante dictus fuerat.

7. Instigatus furia
dirum virus efflabat;
Strage saevissima
membra Christi saeviens tor-
[quebat.

8. Lux aetherea

quem circumfulgens visu privat,

9. Spiritualem

sed ei intuitum donat ;

10. Colaphizat

eum, ne superbiat ;

Sternit eum,

sed ruentem relevat ;

Deiectum increpat

increpans emendat,

fidei doctrinam commendat ;

11. Defensorem

ecclesiae ordinat,

Impugnator

qui prius exstiterat;

Secreta mystica

credenti revelat,

quae homini loqui non licebat.

12. Prius synagoga
quem educaverat,
Postmodum lactatur
matre ecclesia ;
Mysteria,
Quae noverat,

Per totum iens orbem prae-
[dicat.

13. Venit Romam, Deum
unum annuntiat.
Nero resistit, qui
colebat idola:
Mente dira
Illum necat,

Mundo exemptum mittit ad
[astra.

14. Quo nos Deus

miserando perducat

15. Adiutos prece

Pauli sancta, Alleluia.