BALTH. CORDERII, S. J. INTERRRETATIO.

Similiter perfectae sunt, non quasi varietates istas sacras resolvendi scientia sint illustratae ; sed quod prima et praecellente Dei unione satientur, juxta supremam illam (cujus capaces sunt angeli)divinorum operum disciplinam: siquidem non ab aliis quibusdam sanctis spiritibus, sed ab ipsamet Divinitate sacris initiantur, dum ad Deum immediate per virtutem ordinemque rebus omnibus superiorem subriguntur, nec non in eo summa puritate summaque constantia stabiliuntur ; et pro immateriali ac spiritali decore suo, quantum fas est, ad contemplationem promoventur, atque scientificis divinorum operum rationibus, tamquam primae Deoque proximae, erudiuntur ab ipsomet initiandi principio, eminenti modo consecratae.