COMMENTARIUM 221

affines sunt, et ab expresse nominatis dimanant, quaeque nu- meratae in Regula IX Tridentina reperiuntur.

51. Hac in paragrapho non proscribuntur libri aut scripta ea de causa quod novae apparitiones, revelationes, visiones, miracula etc. quae continent, falsae sint aut supposititiae, sed quamvis verae, tamen prohibentur, si publicentur absque com- petentis auctoritatis licentia. Unica igitur proscriptionis ratio est defectus necessariae facultatis pro eiusmodi librorum aut scri- ptorum publicatione.

Duplici vero parte paragraphus constat; quarum prima agit de novis apparitionibus, revelationibus, visionibus, prophe- tiis, miraculis, alia de novis devotionibus; idcirco distincte est de iis nobis agendum.

I. Atque quantum ad primam partem attinet, illico quae- rendum est: an Leo XIII per hanc paragraphum vetus ius ab Urbano VIII sancitum circa publicationem visionum, apparitio- num aliorumque supernatural ium charismatum quae pertinent ad causas Servorum Dei qui in odore sanctitatis defuncti sunt aliquo pacto, sive ampliando, sive immutando tetigerit; an ve- teri iure intacto dimisso, de aliis visionibus, apparitionibus, charismatibus etc. loquatur , quae ad causas Servorum Dei non pertineant, nullamque cum iis relationem habeant.

Et quidem hoc alterum nobis verum certumque videtur. I o . Quidem, quia Legislator noster nullam de veteri iure,

neque in genere, neque in specie mentionem iniecit; quod fa- cere debuisset, si in aliqua re illud immutare voluisset. Pius Papa IX profecto dum circa censuras latae sententiae ius vetus immutare decrevit, disertissime edixit quomodo et quantum illud immutare desiderabat. At in Constitutione Officiorum oc mtinerum ne verbum quidem de immutanda, seu tangenda legislatione circa ea quae ad causas Servorum Dei pertinent, reperire licet.

2 e. Quin imo, novus legislator simpliciter edixit, se abro- gatum unice velle ius vetus circa censuram et prohibitionem librorum, excepta Constitutione Sollicita et provida a Benedi- cto XIV lata, nullumque aliud praeterea ius, quod ad eam rem non pertinebat: Ea (decreta in Constitutione a se lata contenta) vim legis habere sola volumus, abrogatis regulis Sacrosanctae Tridentinae Synodi iussu editis. Observationibus, Instructione, Decretis, monitis, et qrcovis alio decessorum Nostrorum de re