EX S. CONGREGATIONE CONCILII

CARCASSONEN.

DISPENSATIONIS MATRIMONII

Die S Aprilis 1897. Sess 21 cap . 5 De ref. m a t r .

COMPENDIUM FACTI. Coniugale foedus, rite servata Tri- dentina lege, in ecclesia s. Vincentio dicata Urbis Carcas- sonensis inierunt die 15 Maii 1895 Maria Antonia et Iusti- nus. Sponsi honesto genere nati et iuvenili aetate praestantes, uxor enim 22 annorum, vir erat 33 annorum, statim brevi suscepto voluptuario itinere, ad 10 dies producto, vitam con- iugalem instaurarunt atque eodem toro quatuor menses usi sunt , at copulam carnalem haud fuisse perfectam uterque asserit ; sed diversa adducitur causa. Antonia affirmat virum noluisse sibi carnaliter commiscere, quia cum amasia illicitos fovebat amores et protestabatur se prolem suscipere nolle. Vir e contra refert, a prima coniugii nocte saepe coitus ten- tamina fuisse repetita, sed incassum.

Exinde sponsorum animi qui, uti testes asserunt, num- quam admodum consentierunt adeo dissociati sunt ut post 7 cohabitationis menses vita coniugalis penitus disrupta fuerit.

Quamobrem infelix Antonia ad Sacratissimum Principem recursum habuit ut dignaretur dispensare a matrimonio rato et non consummato.

Interea etiam apud civile tribunal promota fuit instantia pro coniugio, quod civile vocant, dissociando, sed hactenus non prodiit sententia.

Curia Carcassonen, legitime delegata, processum instituit super asserta matrimonii non consummatione ; et Episcopus acta processus transmittens Oratricem quammaxime commen- davit eius attestationem magni faciendam esse asseverans.