EXPOSITIO TEXTUS.

Propterea et laudes, etc.

Hic inducit auctoritates ad propositum. Et primo inducit. Secundo adaptat, ibi, Has autem excelsissimos, etc.

Littera sic legatur : Diximus, quod immediate collocantur circa Deum, propterea et, id est, etiam Theologia, id est, sacra Scriptura tradidit his qui in terra sunt, id est, hominibus, laudes ipsius, scilicet primae hierarchiae, quibus laudat Deum, in quibus, scilicet laudibus mirabiliter manifestatur, id est, excitando ad inquisitionem causae eminentia excelsissim respectu inferiorum illuminationis ipsius, scilicet supremae hierarchiae, qua, illuminatur a Deo. Enim, id est, quia quidem, id est, certe alii, scilicet Angeli, reboant eam, scilicet divinam laudem, tamquam, vox aquarum multarum, propter manifestam cognitionem de Deo dicendo sensibiliter, id. est, sensibilibus figuris sibi ad aptatis, hoc scilicet, Benedicta gloria Domini de loco suo (Ezech, iii, 12). Vero, id est, sed alii Angeli primae hierarchiae reclamant, id est, alter ad alterum clamant, illam Theologiam, id est, sermonem laudis de Deo, valde laudabilem, propter eminentiam, et piissimam per convenientiam fidei, hanc scilicet, Sanctus, sanctus, sanctus, Dominus Deus sabaoth, plena

sit omnis terra, gloria ejus (Isaiae, vi, 3).

Has autem. Hic adaptat dictas laudes ad propositum. Et circa hoc duo facit. Primo dicit, quod has laudes alibi exposuit, et inde hic accipit quantum pertinet proposito. Secundo adaptat, ibi, Quia theologicam, etc.

Littera sic legatur : Tales laudes clamant. Autem, id est, sed jam quidem, id est, certe aperuimus, per expositionem, quantum possibile nobis fuit, in his quae sunt de divinis laudibus, in libro quem de hoc fecit, qui non est apud nos, has excelsissimas hymno logias, id est, sermones laudum, (hymnus enim laus dicitur), caelestium animorum, id est, intellectuum, scilicet Angelorum, et in illis, scilicet tractatibus, dictum est de his, scilicet laudibus sufficienter quantum ad nos, id est, ex parte nostra, licet non ex parte rei, ex quibus, scilicet ibi determinatis, sufficit tantum dicere ad propositum secundum praesens tempus in recordationem praedictorum, hoc scilicet quia ipsa prima dispositio, id est, hierarchia, est illuminata a divitia bonitate immediate scientiam theologicam, id est, de divinis quantum fas, id est, possibile est sibi, per quam, scilicet primam dispositionem, tamquam per hierarchiam deiformem, id est, Deo propinquam divina bonitas quidem, id est, certe tradidit seipsam, id est, eamdem scientiam, et, id est, etiam aliis, scilicet inferioribus, deinde, id est, post primos per ordinem. P rima dico dispositio subintroducens, id est, occulte introducens de Deo, dicendo illud per brevitatem, scilicet quod fas, id est, dignum est ipsam divinitatem piissimam, quantum ad communionem bonorum suorum, et summe benedictam, quantum ad eminentiam bonitatis, et omnino benedictam, quantum ad universalitatem bonitatis ejus respectu omnium rerum. Hanc dico fas est benedictam esse ex intellectibus Deum recipientibus, scilicet primae hierarchiae, quantum est possibile ab eis cognosci divinam bonitatem, et laudari : non enim ad. plenum possunt. Ipsi enim, scilicet intellectus, sunt divini loci divinae quietis, id est, in quibus Deus spiritualiter quiescit,et ipsi in Deo non continentes, sed contenti tamquam deiformes, id est, simillimi, ut, id est, sicut aiunt, id est, dicunt eloquia, id est, sacra Scriptura. Ezechiel, xliii, 7 : Locus solii mei, et locus vestigiorum pedum meorum, Psal. lxvii, 6 : Deus in loco sancto suo. Et in hoc exposuit positam laudem., et probavit, quod benedicitur ex eis gloria Domini tamquam ex loco suo : quia immediate circa ipsum collocantur : et quia, fas est dicere divina bonitas est monas, id est, una secundum essentiam, et quod est unitas tres substantialiter, id est, personaliter : quia Graeci dicunt tres hypostases, sicut nos dicimus tres personas :

et per hoc quod dicunt, sanctus ter, et semel Dominus, et quod est extendens bonitatem suam, providentiam q uam Habet de rebus, id est, cognitionem cum cura, in omnia quae sunt, a supercaelestibus essentiis incipiendo usque ad novissima terrae, id est, usque ad infima quae generantur ex terra, per hoc quod dicit, plena est omnis terra. Extendens dico tamquam principium efficiens omnis essentiae creatae superprincipale, id est, super omnia principia dans eis esse et principiare, et tamquam causa finalis, quae antonomastice dicitur causa, et tamquam circum ligans res ad invicem per sapientiam, ut est forma idealis eorum immensurahili continentia superessentialiter circumligans unamquamque rem quantum ad continentem, quantum

ad contenta.