226. De sancto Vito.

1. Pange nunc, lingua,
modulando carmina;

2. Canora atque voce
insimul [nunc] canentia

3. Die [sint tam] praeclara
hodierna ovantia

4. Et veneranda
nobiscum omnia.

5. Valde colenda,
alma festivitas !

6. Unde exsultant societas
sanctorum [et] agmina.

7. Angelis [es] sociatus in
gloria caelestia,

8. Apostoli concives
sociique martyres,

9. O beate coheres,
Vite, inter virgines.

10. Pro nobis intercede
regem regum
in sublimia,

11. Ut per te liberemur
hic [et] semper
et in saecula.

12. Te deprecamur,
felix alme,

postulantes nos tuam,
benigne clementiam,

13. Ut nos tecum
mereamur

consortes [esse] gloriae
in regna aetheria.

14. Ubi exsultant

angelorum multitudo et
archangelorum lucida ;

15. Ubi collaudant

milia milium devota
voce semper dicentia:

16. "Sanctus, sanctus, sanctus,
Dominus Deus,
fortis, omnipotens,

17. Qui erat et qui est
et qui venturus est
in gloria magna."

18. Ovas, alme,
beate Vite,

martyr Christi, in caeli
gloria,

19. Qui cum Christo
exsultans modo
atque per infinita
saecula.