OXOMEN. 239

cata solvenda erant Ecclesiae Cathedrali, c) 50 nummi (Reali) solvendi erant patronis in signum grati animi ; et alia id genus onera legata fuerant in tabulis fundationis.

Verum malo fundatorum fato, qua causa, quo tempore, nescitur, fundationis tabulae naufragium passae sunt atque pro deperditis huc usque habitae fuerunt adeo ut capellanía sub invocatione B. M. V. a Rosario anno 1865 collata sit hodierno capellano Raymundo Hernando cum onere tantum, unoquoque anno, celebrandi viginti Missas et duas cum di- midio libellas erogandi fabricae eiusdem ecclesiae.

At anno 1895 tabulae fundationis e latebris, nescio cu- iusnam archivii, in lucem vindicatae fuerunt ; quamobrem curia sollicita fuit, has denunciare capellano ut de oneribus suo beneficio adnexis certior fieret. - At hic , rei novita- tem non parum demiratus, animo reputans, hisce oneribus satisfaciendis reditus capellaniae impares esse, recursum ha- buit ad Sacratissimum Patrem, quo sospite fruimur, ut di- gnaretur onera capellaniae reducere, ea rata habendo quae hactenus in more fuerunt. - At contra huiusmodi reductio- nem P P . Carmelitani protestati sunt, expostulantes legati praestationem. - Episcopus de more percontatus fuit, qui haec retulit:

« Certum quidem est Capellaniam, sub advocatione B.M.V, a Rosario in hac Cathedrali Ecclesia fundatam, rite et ca- nonice Oratori collatam ab Ordinario fuisse anno 1865 cum onere tantum unoquoque anno celebrandi viginti Missas et duas cum dimidia libellas erogandi fabricae eiusdem Eccle- siae , ceteris omissis in primaeva Capellaniae institutione stabilitis, deperditum enim tunc temporis videbatur institu- tionis instrumentum. Hoc vero nunc demum comperto, ap- paret celebrandam esse ex institutorum voluntate Missam singulis anni diebus, insimulque adimplenda alia onera in precibus adamussim relata ».

« Attamen cum Capellaniae redditus decursu temporis iacturam passi fuerint, et eorum commutatione nonnullis abhinc annis peracta ad normam Conventionis anni 1867