252 EX S. C. RITUUM

cem ediderat mortuum, eum Beata Virgo implorata ad vitam restituit, ac deinceps adhuc infantem e curru deiectum atque adolescentem in profluentem Istulam delapsum ab utroque pe- riculo incolumem eripuit. Inde a primaeva aetate divina man- data observasse et singulari pietatis studio Deiparam Virginem honorasse perhibetur. Iuventute fiorente, Hroznata nobilem opti- mamque uxorem duxit, et ex ea filiolum suscepit; quod fami- liare gaudium statim in luctum conversum fuit per immaturam obitum et matris et prolis. Verum quum scriptum sit: Timen- tibus Deum omnia cooperantur in bonum, Servus Dei e du- plici hoc vinculo, etsi legitimo, solutus, et evangelicis atque apo- stolicis monitis recreatus arctius Deo adhaerere sibi bonum esse novit. Atque illud imprimis memorandum est, quod inter équités cruce signatos ad Christi Domini sepulchrum in liber- tatem vindicandum se adscribi statuit, ac voto firmavit. Iamque armis cum cruce indutus iter per Apuliam, Palestinam versus, fuerat aggressus; verum, improviso imminentium procellarum metu perculsus, non sine aliquo afflatu divino, Romam divertit, peregrini more, sacra Principum Apostolorum pignora et Sum- m u m Pontificem Caelestinum II visitaturus. Hroznatam de suae vitae ratione loquentem audivit Pontifex, qui, omnibus perpen- sis, divini consilii interpres, Apostolica dispensatione votum ei- dem commutavit, iniuncto onere ut Bohemiam reversus , tem- plum et coenobium in honorem Deiparae Virginis conderet et perpetuo censu ditaret. Hoc votivum templum cum coenobio Dei Famulus apud Teplam illico extruxit ac dota vit, accitis Ca- nonicis Regularibus Ordinis Praemonstratensis qui ibidem non modo sacra peragere et divinas laudes persolvere, sed etiam alumnos in bonum atque incrementum ipsius Ordinis optimis disciplinis instituere coeperunt. Quod opus quam gratum Deo extiterit, in consecratione templi, stella per altum diem supra ipsum emicante, declaratum fuisse fertur, simulque caeleste si- gnum Apostolicae Sedi maiorem fidelium reverentiam conci- liasse, et ipsi Hroznatae animos addidisse ad duo altera coe- nobia apud Chotessovicense oppidum erigenda. His commode aedificans congruoque censu auctis, u n u m Religiosis P r e m o n - stratensibus traditum fuit, alterum monialibus eiusdem Ordinis, in quo etiam domina Woyzlava, soror Hroznatae germana, viro suo Cracoviensis urbis praefecto orbata, pie vixit atque decessit. Interim Dei Famulus religiosae perfectionis studio ductus ite-