EXPOSITIO TEXTUS.

Littera sic legatur : Praedictas proprietates declarat nomen Virtutum. Autem,id. est, sed ipsam nominationem sanctarum Potestatum aestimo declarare ordinationem, id est, gradum quemdam dignitatis aequipot entem divinarum Dominationum et Virtutum, non simpliciter, sed in actu hierarchico unam:quia omnia dicunt perfectionem potentiae. Ordinationem dico bene ornatam, quantum ad pulchritudinem doni, et inconfusam, quantum ad ordinem juris quo regulatur : et hoc circa divinas susceptiones, quantum ad causam a qua recipiunt,et sic ponitur triplex modus,unde est prima, aestimo declarare et ordinum potestatis supermundanae, in quantum non miscetur aliqua inlirmitas culpae vel paenae, sicut mundanis potentibus, et intellectualis, ad differentiam sensibilis, ut quae gladio vindictam exercet : et sic tangitur substantia re-

cepti, quae est potestas ; unde est secunda. Potestatis dico non praecipitatae, quasi sine fraeno juris tyrannice, sed tranquille in ea qua inferiora sant, super quae scilicet est potestas, et hoc potestativis virtutibus, id est, per virtutem potestatis quam accipit et sic est tertia,quantum ad modum communicationis, quia tranquille. Sed potestatis dico reductae in divina potenter, id est,per modum proprium sui ordinis post superiores ordines, bene ordinatas, quia non aequaliter eis convenit, et sic tangitur perficiens in genere, scilicet divina potentia in qua perficitur reductio cujuslibetordinisperpropria sibi,et sic est quarta. Et potestatis dico reducentis quae sunt post eam deiformiter , id est, secundum deiformia dona : et hic est modus ex parte communicatorum, et est quinta. Et potestatis dico assimilatae ad potentiam divinam, potentificam et causalem, id est, quae est faciens omnium potentiam, et causa ejus, et sicut exemplar, et sicut finis, et hoc est proprium perficiens istius ordinis, et est sexta. Et potestatis dico revelantis eam, sed causalem, potentiam assimilando ad ipsum, sicut pater revelatur in filio, in ordinibus, supple, inferioribus, bene ordinatis per ipsam, scilicet potestatem causalem acceptam quantum ad pulchritudinem donorum, et hoc potestativa virtute quasi cujusdam jurisdictionis, et hoc ut possibile est Angelis, scilicet inferioribus,et hic est modus ex parte eorum quibus communicatur, et est septima proprietas.

4