EX S. C. RITUUM 253

r u m Romani venit, sua coenobia tutelae ac praesidio Summi Pontificis demisse subiecit; et voti compos factus, obtentis etiam pro iisdem coenobiis ab Apostolica Sede nonnullis privilegiis, ipse ab eodem Pontifice religiosum habitum Praemonstraten- sem, sacro ritu servato, recepit. In patriam rediens, salutato Bohemiae Rege fratre suo , cuius etiam patrocinio se suosque sodales ac fundata coenobia commendavit , in Teplense Mona- sterium a religiosis confratribus omnia fausta fundatori et socio adprecantibus communi laetitia exceptus est. Religiosi Instituti leges fideliter servans , rei familiari coenobii administrandae praepositus fuit: quo in munere , flagitiosis hominibus fortuna ac bona monasterii rapere conantibus, impavide pro iustitia resistere debuit. Verum hi implacabili odio excitati Dei Famu- lum, ipsius monasterii praedia perlustrantem, improviso ca- piunt, victumque in Theutoniam trahunt et in carcerem confi- ciunt. Numerata pecunia poterat ipse a sodalibus redimi, sed noluit et libertati praetulit pro Christo passionem, probe sciens beatos fore qui persecutionem patiuntur propter iustitiam, atque ita plura acerba perpessus , die 14 Iulii anno 1217 e corporeo terrenoque carcere in caelestem regiarn migravit. Memoriae proditum est Hroznatam eadem die suum famulum et in vin- culis socium suavi apparitione recreasse eumque mox libertati redditum misisse nuncium de suo obitu deque corpore sepe- liendo ad sodales Teplenses. Exinde factum est ut qui vivus redimi noluit, mortuus sit redemptus, eiusque exuviae ad Ec- clesiam Teplensem delatae, et, solemni funere peracto, ibidem honorifice conditae, ad haec usque tempora religiose colantur. Huius vero publici et ecclesiastici cultus indesinenter praestiti Servo Dei plura extabant indicia, uti lampades accensae ad eius sepulcrum, annua commemoratio festiva die 14 Iulii cum sacro votivo de S. Maria vel de SS. Trinitate, tabula cum effigie et elogio Beati et Martyris super altari fidelium venerationi pro- posita, aliaque huiusmodi, quibus accedebant documenta eun- dem cultum cum fama sanctitatis vitae, virtutum et miraculo- r u m respicientia. Quum tamen idem cultus nondum ab Apo- stolica Sede authentico decreto recognitus ac approbatus fuis- set, Eirius et Revrhus Dominus Cardinalis Franciscus Schön- born, Archiepiscopus Pragensis, per Iudicem delegatum Pro- cessum hac de re instituit et favorabilem sententiam protulit. Quapropter Revmus P. Vitalis Van den Bruel , Procurator Ge-