254 EX S. G. INQUISITIONIS DUBIUM: an margarina (butyrum arte confectum) adhiberi possit per modum cibi

aut condimenti quoties permittitur usus butyri.

Feria IV, die 6 Septembris 1899.

Huic Supremae Congregationi S. R. et U. Inquisitionis pro- positum fuit enodandum sequens dubium :

An liceat uti margarina per modum cibi aut condimenti illis diebus, quibus usus carnium aut adipis ex carne illicitus est, licito manente usu butyri?

Porro in Congregatione Generali ab Emis ac Rmis DD. Car- dinalibus in rebus fidei et morum Generalibus Inquisitoribus habita, proposito suprascripto dubio, Erîii ac Rmi Patres re- spondendum mandarunt:

Affirmative, facto verbo eum SSmo. Sequenti véro feria V, die 7 eiusdem mensis et anni in so-

lita audientia a SSiîio D. N. Leone Div. Prov. Pp. XIII R. P. D. Assessori impertita, SSmus D. N. resolutionem Emorum Pa- trum ratam habuit et confirmavit.

I. Can. MANCINI, S. R. et U. Inquis. notarius.

DUBIUM : an Indi-Goaijri baptizari possint.

Beatissime Pater,

Infrascriptus Moderator Missionariorum regionis Goajira in Columbia, ad pedes S. V. humillime provolutus, exponit.

Indi Coajiri numerantur circiter 40,000 solo fere nomine gubernio Columbiae subiecti. Vitam agunt quasi silvestrem, ab omni fere urbanitatis seu civilitatis influxu alienam. Dum civi- bus Columbiae et Venezuelas commercium habeant continuum, et viciniores civitates quotidie accedunt; emptiones et vendi- tiones in dictis civitatibus peragunt, sed vitae civilis vincula et commoda omnino reiiciunt.

Principium omnis mali, in quod fere unice credunt, et quod pervalde timent, superstitiose colere seu potius placare solent, et vix aliquam de Deo Summo Bono notionem conservant.

Vitam errantem, seu nomadam, gerunt, sed lato quodam sensu talem ; siquidem unaquaeque parva tribus seu grupo de