EX S. CONG. DE PROPAGANDA FIDE

Litterae Delegati apostolici Statuum Foederatorum quoad dubia parochialitatis apud quasi paroecias erectas pro populo diversae linguae.

Cum in Statibus Foederatis plures in eodem territorio quasi- paroeciae pro populo diversae linguae erectae sint, quaedam ortae sunt quaestiones earum iura respicientes in personas quae aut ex parentibus ad has ecclesias pertinentibus natae sunt, aut quae ex exteris nationibus advenerunt, linguam tamen Anglicam cal- lentes. Haec Apostolica Delegatio in re tam gravis momenti sa- tius duxit superiori S. Cong. de Propaganda Fide iudicio prae- fata dubia submittere, eo vel magis quod connexa videbantur cum resolutionibus ab eodem S. Ordine die 11 Aprilis 1887 la- tis. Porro ad tramitem harum resolutionum, Emus eiusdem Sa- crae Cong. Praefectus, uteris sub die 26 Aprilis, anni currentis, nobis datis declaravit:

I. Filios ex parentibus non-americanis linguam ab Anglica diversam loquentibus, in America natos, non teneri cum eman- cipati sint ad sese iungendos quasi-paroeciae, ad quam perti- nent parentes, sed iure frui sese uniendi quasi-paroeciae in qua regionis lingua, seu Anglica, adhibetur.

II. Catholicos qui in America nati non sunt, qui tamen lin- guam Anglicam noscunt, ius habere membra fieri illius eccle- siae in qua Anglica lingua in usu est, nec obligari posse ad sese subiiciendos iurisdictioni Rectoris ecclesiae erectae pro populo linguam propriae nationis loquente.

Haec a me significanda erant A. Tuae, dum omni qua par est reverentia et existimatione permaneo.

Amplitudinis Tuae

Die 20 Aprilis 1897.

Mme ac Rme Domine,

Addictissimus in Christo, SEBASTIANUS ARCHIEP. EPHES. , Deleg. Apost.