257

EX S. CONGREGATIONE CONCILII - - v

A D I A C E N .

DISPENSATIONIS MATRIMONII

Die 26 Iunii 1897. S e s s . 24, Cap. 5. De ref. m a t r .

COMPENDIUM FACTI. Aloysius et Aurelia uterque fiorente in aetate constituti, dioecesis Adiacensis, die 3 Octob. 1893, rite ac solemniter matrimonium celebrarunt. Quod vero ex- templo miserrimum evasit. Ex actis enim eruitur, Aloysium, facile indulgentem libidini, meretricum amplexibus, iam ab adolescentia divitias ita dissipasse, ut aere alieno gravatus, animum induxerit sibi ducere uxorem ditissimam, suam e patruele sororem, Aureliam.

Mulier narrat insuper Aloysium, vel in voluptario iti- nere, statim post nuptias incepto, quo neoconiuges Massi- liam et Lutetiam Parisiorum peragrarunt, multas diei no- ctisque horas eam deserere consuevisse ; vel integrum per mensem, deserta Parisiis uxore, cum amasia, alio in loco se délectasse.

Dein mense Novembri sponsi simul Massiliam perrexe- runt ; at cum illic Aloysius adhuc cum meretricibus versari non erubesceret, sponsorum animi ita dissociati sunt, ut vix tribus post mensibus a contracto coniugio vita coniugalis penitus disrupta fuerit.

Quapropter Aurelia tribunal civile adiit, et mense Iu- nio 1894 facile divortium obtinuit. Deinde ad Curiam adia- censem recursum habuit, ut processus conficeretur circa ma- trimonii inconsummationem. Aurelia enim existimat, et de facto ante Tribunal adiacen., ex mandato S. C. C. proces- sum conficiens, sub fide iuramenti affirmat matrimonium in- consummatum mansisse ; dum e contra vir, in ius vocatus, pariter iuratus hoc negat, affirmans versa vice matrimonium cum Aurelia vere consummasse.

Acta, Tom. XXX.. fase. CCCLIIJ. 17