BALTH. CORDERII, S. J. INTERPRETATIO.

Dictam itaque notitiam, quae ab uno angelo in alterum derivatur, indicium faciamus perfectionis ejus quae eminus procurata,progressu ac profusione subobscure ad inferiores pervenit. Quemadmodum enim sacrorum nostrorum mysteriorum periti, seipsis apparentes divinorum luminum expletione spraestare censent iis,quarum aliqui aliorum interjectu participes existunt : similiter existimo, angelicorum ordinum, qui primi in Deum extenduntur, immediatam illustrationem perspicaciorem esse participatione illorum qui per medium perficiuntur. Hanc ob causam quoque primae intelligentiae in sacerdotali nostra traditione, perfectivae ac lucificae, expiatoriaeque virtutes nominantur earum quae inferioris ordinis existunt ; quae per illas ad superessen tiale omnium principium subvehantur, atque mysticarum expiationum, et illuminationum, perfectionumque, quoad iis fas est, participes reddantur. Hoc enim universim divina ordinatione divinitus statutum, utquae secunda sunt, per prima divinas participent illuminationes.