DUBIUM.

Sed videtur contradicere sibi.

1. Supra enim dixit, quod media non illuminatur tantum a prima, sed etiam immediate a Deo : ergo non videtur promulgatum divinitus omnino media per prima illuminari.

2. Praeterea. Ultima hierarchia potest illuminari a Deo non per mediam : ergo eadem ratione media potest illuminari a Deo non mediante prima.

Solutio. Dicimus, quod media hierarchia potest illuminari a Deo immediate, nihilominus tamen recipiet secunda receptione et non in fulgore quo prima recipit ab ipso : quoniam secundum quod descenditur in ordinem recipientium, sic et illuminatio divina recipitur in minore fulgore et simplicitate, sicut sol quamvis illuminet terram immediate sicut lunam, terra tamen secundo illuminatur : quia non aequalem recipit fulgorem solis ut luna : unde semper est in ordine ut Illuminetur per ipsam. Et per hoc patet solutio ad objecta.

6