DUBIA.

HIC sunt duo dubia.

Fimo, de hoc quod dixit, quod Deus tradidit Israel nationibus in correptionem, omnino tamen melius providens.

Secundo, de hoc quod dixit Zachariam vidisse unum primorum Angelorum, et qui sunt circa Deum.

Circa primum sic proceditur. Sicut dicit Magister in IV Sententiarum: " Quinque modis flagella contingunt, vel " ad augmentum meriti, sicut Job : vel ad

" custodiam virtutum, sicut Paulo : vel " ad gloriam Dei, sicut caeco nato : vel ad ((correctionem, sicut Mariae lepra: vel " ad initium poenae aeternae, sicut He-" rodi. " Non ergo tantum propter correctionem, ut hic dicitur.

2. Praeterea, Patris non est corrigere, tradendo filium in manus hostium, sed forte in manus famulorum : ergo incongrue dixit, paterna, humanitas.

3. Praeerea, Patris non est tradere in manus eorum qui avertant filium ab obedientia patris: sed nationes pertrahendo Israel ad idololatriam, avertebant eum ab obedientia Dei: ergo non fuit paternae bonitatis tradere in manus eorum.

Solutio. Dicimus, quod quantum ad intentionem Dei semper flagella sunt vel in bonum simpliciter, vel in bonum secundum quid, quod est minus malum, sicut de Antiocho dicitur in secundo Machabaeorum , quod percussus est a Domino gravi infirmitate, qua et mortuus est, non receptus ad paenitentiam, ne posset explere quod proposuerat de destructione Jerusalem,et sic minorem paenam mereretur. Sed secundum dispositionem recipientium quorum quidam emendantur, quidam deteriores sunt, distinguuntur illi quinque modi.Ex per hoc patet solutio ad primum.

Ad secundum dicendum, quod in quantum hostes ipsos Deus coercet ut non possint desaevire nisi secundum quod exigit divinum judicium, efficiuntur ministri Dei, et ut instrumentum vindictae. Unde dicitur Isaiae,X, 5 : Assur, virga furoris mei.

Ad tertium dicendum, quod Deus vel cohibebat hostes ne valerent trahere ad idololatriam, sicut patet de Nabuchodonosor , qui etiam, sicut dicitur in IV Reg. xvii, eis quos posuerat ad habitandum terram Samariae, dedit sacerdotes qui eos docerent legitima Dei terrae : vel si vellent, ad idololatriam pertraherent, sicut Antiochus, confortavit eos ut resistere possent, ut patet in primo Machabaeorum et secundo.

Circa secundum sic proceditur.

1. Videtur enim, quod Zacharias non viderit aliquem de primis Angelis : superiores enim officium exterioris ministerii numquam habent : sed tales non possunt videre exterius : ergo Zacharias nullum talium vidit.

2. Ad idem, Ipse non vidit nisi Angelos operantes ad liberationem Israel : sed. tale s sunt inferiores : non ergo vidit aliquem superiorum.

Solutio. Dicimus, quod sicut dicit Glossa Bedae super illud Tobiae, xii, 15 : Ego sum Raphael Angelus, unus ex septem,qui adstamus ante Dominum, " Pa-"rati ire quocumque mittantur : quia

" Deus ubique est, unde quocumque " pergant, ab intimo divinae contempla " tionis numqnam recedunt : superiores "quidem quoad duo, scilicet quantum " ad objectum beatitudinis, et quantum " ad Illuminationes quas habent imme-" diate a Deo : inferiores vero quantum " ad objectum pertinet beatitudinis, num-" quam ab ejus contemplatione recedunt: ((Superiores igitur videri possunt ab eo " qui exterius est, cum et ipse Dei filius ((visibilis mundo apparuit, non tamen " videri potest ut exterius existens, sed " ut immediate ad eo recipiens. " Et per hoc patet solutio ad primum.

Ad secundum dicendum, quod superiores licet non sint operantes ad liberationem et exsequentes eam, operantur tamen illuminantes super hoc alios de quo ipsi a Deo Immediate Illuminati sunt: et secundum hoc officium ostenduntur prophetae.

7

Alter autem Theologorum Ezechiel : et ab Ipsa, Inquit, hoc sacratissime promulgatum est Cherubin su-

Quidam alius item theologus Ezechiel, hoc a Deitate ipsa supergloriosa, quae Cherubim transcendit,sacrosancto perfirmata gloriosissima divinitate. Ipsum enim Israel (ut dictum est) dux exercitus humanitas per disciplinas in melius traducens, justitia divina corrigentibus respondetur, correctos justificavit. Hoc docetur primus post Cherubin lumbos praecinctus sapphiro, qui poderam juxta symbolum hierarchicum induebatur. Reliquos autem Angelos qui secures habebant, divina ordinatio Imperat a priore doceri de hoc divinum judicium. Et quidem enim dixit mediam pertransire Jerusalem, et dare signum in frontibus correctorum virorum. Aliis : Exite in civitatem post eum, et percutite et nolite parcere oculis vestris ; ad omnes autem super quos est signum ; ne appropinquetis .

Quid fortassis quis dixerit de dicente Angelo ad Danielem : Exivit sermo . Aut de ipso primo Ignem ex medio Cherubin recipiente? Aut illud ejusdem abundantius in ordinis angelici ostensionem, quoniam et Cherubin immittit Ignem in manus sanctam stolam induti ? Aut de vocante divinissimum Gabrielem et dicente ei: Fac intelligere istum visionem ? Aut quaecumque alia a sacris Theologis dicta sunt de caelestium hierarchiarum deiformi ornatu, ad quem nostrae hierarchiae ordinatio, secundum quod possibile est, assimilata, angelicam pulchritudinem quantum in characteribus habebit formata per eam, et reducta ad superessentialem omnis simul hierarchiae.

sancitum asserit : Israeliticum enim populum cum, ut dictum est, clementia paterna per disciplinam ad frugem traduceret meliorem, aequitate Deo digna reos ab Insontibus secernendos censuit. Hoc primus secundum Cherubim docetur ille, cujus renes sapphiro praecincti erant, quique talari veste, pontificatus insigni, amiciebatur. Caeteros exinde angelos securibus armatos, a priori ille divina jubet ordinatio divinum hac de re judicium edoceri: huic sequidem praecepit, ut per mediam Jerusalem transiret, atque signum insontium virorum frontibus imprimeret ; aliis autem ait: Exite in civitatem post eum, et percutite, et nolitc parcere oculis vestris ; ad omnes autem super quos est signum, ne appropinquetis.

Quid autem de illo dicat quis angelo, qui Danieli ait : Egressus est sermo ? aut de primo Illo, qui ignem de medio Cherubim accepit? vel, quod angelicam luculentius confirmat distinctionem, de Cherubim ignem ingerente In manus ejus qui stolam sanctam indutus erat? aut de illo qui Gabrieli divinissimo, cum eum accersisset, dixit: Fac illum intelligere visionem ?aut de omnibus aliis, quae de caelestium ordine hierarchiarum prorsus deiformi a sacris sunt theologis commemorata ? ad cujus utique Imaginem si sacer hic ordo noster se componat, eique, quantum potest, assimiletur, angelicum profecto decorem illum velut in figuris exprimet, formam inde capiens ; ac per eum ad superessentialem omnis sacri ordinis originemattolletur.