274 DEUTHUSEN.

nocet domino ; ex aìia vero parte haec documenta examinata fuerunt in praecedentibus iudicatis. Altera hypothesis quam magis plausibilem dicit, haec esset : nempe quod documenta in actis extarent quando causa an. 1892 coram S. Congre- gatione fuit discussa : sed postea haec in bona fide recepta fuerunt a P. Salvatore Poenitentiario et transmissa ad Ro- tam Matritensem, ceu constat ex ipsius acceptatione, in actis Congregationis existente. Sed, admisso etiam, pergit advo- catus, quod controversa documenta reapse in Archivio S. Con- gregationis non extiterint, ex hoc argui non posset ratio sufficiens pro obtinenda restitutione in integrum. Sane Con- gregationis an. 1892 iudicium in hoc vertit, utrum nempe ex iudicatis hispanicis esset orta res iudicata, proindeque executioni mandari oporteret sententia secundi Turni Rotalis hispanici. Pro hoc iudicio efformando nil relevaban t deper- dita in hypothesi documenta, quae iam erant extensa in praefata sententia.

Sed hisce omissis, dato etiam quod S. Congregatio ex motivis causae intrinsecis sententiam tulerit, indubium esse ait quod tunc tantum indulgetur restitutio in integrum, quando documenta noviter producta notabiliter causae aspe- ctum mutant De Luca de iudic. disc. 38, n. 19, S. Concil. Cong. in Neapolitana 10 Iulii 1817.

Iam vero nova documenta producta, si paulisper etiam examine superficiali in se considerentur, talia sunt, ut de his ratio habita fuerit in consultatione seu folio officiali ipsius Congregationis in an. 1892, in quo etiam aliquando textuales expressiones referuntur, aut in defensione tunc producta, cuius laciniam nunc profert. Proindeque cum do- cumenta vere nova dici non possint, petita in integrum restitutio in tenues resolvitur auras.

Deinde advocatus progreditur ad discutiendum causae meritum et praemittit doctrinam innumeris S. Rotae Ro- manae decisionibus sancitam nempe, quod restitutio in in- tegrum adversus rem iudicatam non conceditur, nisi clare et concludenter appareat de iniustitia unde desumitur laesio.