EXPOSITIO TEXTUS.

B. Manifestat enim, etc.

Littera sic legatur : Ita dicendum est primo manifestationes cognominationum. Enim, id est, quia ipsa cognominatio caelestium Principum quidem manifestat illud principale, id est, donum quo principantur primo capiente in multitudine : et hoc deiformiter , secundum quod talis principatus exemplatur in eis a principatu divino, et sic est prima proprietas : et manifestat eductivum, id est, quod est educens multitudinem exiens clini eis in capite eorum ad actum, quo consequuntur in jure divino permanentiam et libertatem patriae, et hoc cum ordine sacro, id est, his quae sunt educta ordinatis ut cuique decet sub ipso in ordine ad sacrum actum, et in hoc tangitur forma actus. Et eductivum dico vir-

tutibus principalibus, id est, quae decent principem : non enim sufficiunt personales, ut scilicet tantum habeat ad sufficientiam sibi : sed oportet, quod virtutes ejus sufficiant toti multitudini. Et decentissimis, quantum ad honestatem eorum exteriorum. In hoc tangitur causa per quam possent in talem actum : et sic est secunda. Et manifestat eas, supple, essentias, converti universaliter, secundum nihil impeditas ad principium, id est, principatum divinum, supcrprinpale, id est, qui est causa omnis principatus : et hoc est opus operatum quod. consequitur actum proprium, scilicet ut in educendo convertantur ad eum : et sic est tertia. Et manifestat eas ducere hierarchice, id est, ordine hierarchico alias, scilicet inferiores reformari, id est, ut reformentur quantum possibile est eis ad illud ipsum, scilicet divinum, principium, id est, principatum, princificum, id est,faciens omnem principatum : et sic est quarta in communicando, Que, id est et manifestat eas manifestare per perfectam assimilationem, ut in ipsis relucens manifestetur, ordinationem ejus, scilicet principii quo omnia ordinat, superessentialem ex parte ordinantis. Que, id est, et manifestare ornatum virtutum principalium, ut supra, per quas congrue possunt alios ordinare : et hic est effectus quo consummatur quaelibet hierarchia, scilicet in assimilatione ad Deum : et quaelibet specialiter secundum speciale donum, quod est illi ordini proprium : et sic est quinta proprietas.

2