DERTHUSEN. 275

Age vero si iudicatum S. Congregationis sub die 11 Mar- tii 1892 ad trutinam revocetur, liquido apparet iuste et sa- pienter per ipsum sententias hispánicas fuisse confirmatas : hae enim sententiae duplici hoc principio fundantur, quod aedificium teresianum fundatum fuit in solo pertinente ad Carmelitas, et quod hoc ipsius fundator sacerdos de Osso omnino ignorare non poterat.

Haec duo dicit facta facilis esse probationis et resultare ex documentis productis in folio officiali seu consultatione typis edita an. 1892. Nam regium decretum diei 21 Iunii 1876, instantia donantis Episcopo Derthusensi diei 27 Aprilis 1877, epistola ipsius donantis 27 Iunii 1891, per se clare indicant voluntatem donantis fuisse, ut totus fundus cederet in pro- prietatem Monialium Carmelitarum : hae donationem acce- ptarunt, et donans iuravit praefatam donationem numquam fuisse revocaturam : hinc etiamsi admittatur quod postea do- nans in parte donationem revocaverit, haec revocatio nullius ponderis esse posset. Alterum factum vero quod sacerdos de Osso non ignoraverit fundi pertinentiam, probat ex simplici ratione quod ipse erat unus ex depositariis fiduciae ipsius donantis , proinde huius intentionem perfecte caliere debe- bat.

Hisce factis statutis, advocatus deducit quod sacerdos de Osso cogendus sit ad aedificium demoliendum. Ratio enim et ius exigunt, ut fundi dominus , in quo ab alio scien- ter, idest mala fide, aedificium constructum est, nullum da- mnum seu praeiudicium patiatur : in casu Moniales ex vi- cino Collegio servitutem perferunt, siquidem ipsis libertas aufertur cum ex Collegio fenestris prospici possit in ipsa- rum horto et cubiculis : verum quidem est quod inaedifi- catum solo cedit, et aedificatur malae fidei in poenam amittit aedificii proprietatem et solum pretium materiae repetere potest ; sed quando aedificium evadit domino fundi damno- sum tunc aedificator malae fidei cogi potest ad ipsum, suis expensis, demoliendum quod licet non sit expresse cautum a legibus romanis, tamen a legibus modernis sancitum reperitur.