TREVIREN. 277

ut furioso conveniant ; neque hominem sanae mentis attin- gant Mascard. De Prob, conci. 824.

Immediate post celebratas nuptias multa dedisse demen- tiae signa autumant multi testes.

Iam a die 8 Maii 1886 in domum provincialem demen- tium in Andernach abducta est, ibique usque ad aprilem an. 1889 mansit : inde deducitur in fatuorum nosocomium Klosterhoven. Porro iam a primo deportationis die usque adhuc a peritis declarata est amens et furiosa insanabilis. Qui morbus talis est ut neque ullum lucidum intervallum haberi permittat ; ceu D. Reuter auctoritati ecclesiasticae deposuit.

Iamvero Catharinam domum a matrimonii celebratione reversam illico deiecisse tum de capite coronam, tum de digito anulum nuptialem, sorori condormivisse iam a prima nocte una cum calceamentis, nullam vel minimam mariti curam habere, eumque iam a prima die derisionibus dicte- riisque impudicis insequi, cultello et ferreo batillo petere, sese impudice coram aliis denudare, obscoena canere et hu- iusmodi plurima usque ad incarcerationem et deportationem in domum insanabilium mentecaptorum, ostendi profecto ma- nifestam et continuam dementiam. Atqui sic erumpere ea die, talis dementia uno ictu non poterat nisi iam antece- denter illa extitisset in foemina. Natura enim non patitur repentem mutationem. Ergo iam immediate ante Catharina laborabat dementia, quae sese manifestavit clarius occasione novi status scil. matrimonii paucos dies ante civilis, tum religiosi, praesertim mulier virosa, rixosa, aliis amentibus sanguine iuncta, adscendentem habens furiosam.

Idque magis patet ex trium peritorum sententia, qui asserunt in ipsa congenitum esse furorem.

Ex his ergo iure merito concludere possumus iam ante et tempore sacro nuptiarum, Catharinam fuisse dementem.

Ante matrimonii celebrationem saltem aliquot menses Catharinam fuisse amentem patet multipliciter: quadam die anni 1885 Sacramentis ultimis muniri cupit; instar aegrotae