DIVISIO TEXTUS.

Ipsa autem sanctorum Archangelorum , e tc.

In ista parte ponit proprietates Archangelorum et Angelorum simul : quia cum Archangeli dicant aliquid medium inter Principes et Angelos, secundum nomen habent proprietates utrorumque : unde proprietates Archangelorum quae adduntur super proprietates Principum, ostenduntur per proprietates Angelorum.

Dividitur autem haec pars in tres. In prima ostenditur, quod Archangeli sunt in prima hierarchia cum Principatibus et Angelis. In secunda quia medii est communicare utrumque extremum, ostendit quomodo communicant quodammodo proprietates Prmcipum,ibi(sig. 2, B), Etenim sacratissimis. In tertia quomodo communicant Angelis, ibi (sig. 2, B), Istis vero quia et eis.

Circa primum duo facit. Primo dicit, quod lvi tres ordines sunt in una hierarchia. Secundo quod Archangeli habent medium locum in hierarchia, ibi (sig. 2, B), Verumtamen quoniam etc.