TREVIREN. 279

ante matrimonium dicunt profecto continuam amentiam etiam tempore et post matrim.; quia natura repentem mu- tationem non patitur.

Quae phoenomena si continuam dicunt dementiam per dictas hebdomades, haec fuit etiam tempore celebrationis : nam ut habet Mascard, de prob, conci. 825: «Furiosus semel, semper praesumitur furiosus . . . quia passionis hu- iusmodi et motus tales praesumuntur perdurare nisi contra- rium probetur . . . maxime in passione furoris, quae non consuevit ita facile recedere . . . natura enim non patitur repentem mutationem ». Ita Mascard, iuxta communem ubi etiam addit aliam regulam quod solitum est fieri, semper fieri creditur et quod furiosus praesumitur semper furiosus, quando probatum fuerit aliquem fuisse furiosum per aliquod tempus continuum. Furiosi actus, quem non habuisse dilu- cida intervalla constat, praesumitur gestus tempore furoris.

Illud addatur quod antea, scil. ipsa consanguinitas et nativitas ex talibus adscendentibus praesertim vitium na- turae revelant : dementes autem vitio naturae numquam convalescunt, ut tenet Zacch. Quaest, medie, legal. I. 2, tit. 1, q. 26, n. 3, adeoque continua laborant dementia, ita ut haec praesumatur omnino tempore celebrati matrimonii iuxta firmata in Rotae decis. 2, n. 5 et 12 ; et decis..5, n. 5, 6, post Zachiam q. medie, legal.

Obiic. contra hanc furoris periodum 1) parentes ferme omnes et plures extranei non adverterunt insaniam ante matrim.; 2) imo ipse sponsus non advertit; et insuper est in contradictionibus cum testibus deponentibus de insania, ipsumque dissuadentibus a matrimonio ineundo.

Resp. a) Extranei vel non respondent de eodem tem- pore ; vel si negant, nil mirum : ex eo quod hi nolint sese immiscere in reddendo testimonio contra rixosam, maledi- cam, quali in pago Ruben apparuit semper gens mulieris.

Quod consanguinei interrogati contrarium dixerint, item mirari quis non debet, cum ob sanguinis communionem fa- cile decipiuntur, Audiatur Doctor Maria Brá /. c. I. 8, inter-