DUBIUM

Videtur, quod non sit aequipotens ordo Archangelorum Principatibus, cum Principatus sit superior ordo. Et si dica tur, quod sit aequalitas ratione hierarchiae tunc similiter debuisset dicere de Angelis, qui sunt cum eis in eadem hierarchia.

Et dicendum, quod praeter aequalitatem hierarchiae est inter eos aequalitas imitationis : imitantur enim principem in dispensatione terrenarum dignitatum, licet diversimode, ut supra dictum est. Sic autem non imitantur Angeli, cum non illuminent nisi de personalibus officiis : et ideo non dixit eos aequipotentes.