282 EX SECRETARIA BREVIUM

Breve quoad solemnia celebranda Carpineti occasione sexti saeculi abeuntis ab obitu S. Ludovici Archiepiscopi Tolosani.

Suavi quodam iucunditatis sensu animum Nostrum per- fundit nuntius qui Nobis affertur, Carpineti singulari studio et pietatis significatione sollemnia apparari ob memoriam sancti Lu- dovici Archiepiscopi Tolosani, sexto abeunte saeculo post quam ille regio sanguine clarus, vitae sanctitate clarissimus, a mor- tali hoc aevo ad immortale ac beatum demigravit. Optimo sane consilio maiores Nostri illum sibi posterisque suis Patronum coelestem cooptarunt, qui quum fuerit, dum vixit, omnis virtu- tis exemplar, haberent ipsi quem sibi ad imitandum propone- rent, et quum plurimum valeat nunc gratia apud DEUM, haberent custodem et vindicem, quem possent in omni vitae discrimine ad defendendum invocare. Neque semel gens Nostra novit pla- neque sensit, se in fide et clientela sancti Ludovici esse; ma- gnorum enim est vis beneficiorum, quae ille in Nostrum genus omni tempore contulit, quorum quidem beneficiorum neque interibit apud Nos memoria, neque gratia consenescet. Ex qui- bus illud placet commemorare, quod maximi fit apud Nostros,

sentium vi, sanctum Paschalem Baylon peculiarem coetuum eucharisticorum, item societatum omnium a sanctissima Eucha- ristia, sive quae hactenus institutae, sive quae in posterum fu- turae sunt, Patronum caelestem declaramus et constituimus. Atque ab eiusdem Sancti exemplis patrocinioque hunc fructum fidenter petimus, ut e populo christiano quotidie plures animum, consilia, amorem ad Iesum Christum servatorem referant, omnis salutis s u m m u m augustissimumque principium. Praesentibus perpetuis futuris temporibus valituris. Non obstantibus in con- trar ium facientibus quibuscunque. Volumus autem, ut praesen- tium litterarum transumptis seu exemptis etiam impressis, manu alicuius Notarii publici subscriptis, et sigillo personae in ecclesiastica dignitate constitutae munitis, eadem prorsus fides adhibeatur, quae adhiberetur ipsis praesentibus si forent exhi- bitae vel ostensae.

Datum Romae apud S. Petrum sub anulo Piscatoris die XXVIII Novembris MDCCCXCVII, Pontificatus Nostri anno Vicesimo.

ALOIS. CARD. MACCHI