282 EX S. C. CONCILII

Neque obstat Curia episcopalis Trevirensis sua contraria pro validitate sententia inquiens: « Licet,plura suadeant Catharinam tum haereditariam habuisse dispositionem amen- tiae, tum saepius re vera se mente captam exhibuisse, tamen in celebratione matrimonii amentiam non fuisse cum exclu- sione omnis dubii prudentis probatam ». Nam ipsa agnoscit hereditariam dispositionem seu ex vitio naturae et quidem saepe saepius in amentiam prorupisse : porro iuxta peritos et DD. amentiam ex vitio naturae praesumendam esse con- tinuam, nisi aliquod lucidum intervallum intercessisse pro- betur. Ergo contra Curiam Trevirensem concludendum esse ad exclusionem omnis dubii prudentis : Quando enim prae- cessisse furorem, probatum est, praesumitur semper furiosus, etsi habuerit lucida intervalla, nisi actus ipse, quo de agi- tur, ita fuerit gestus, ut ex eo nullum stultitiae signum colligi possit: atqui immediate ante, die et actu celebra- tionis matrimonii plura stultitiae signa dedisse Catharinam, supra probatum est. Cf. Masc. I. c. n. 10 et 13. Imo Abb. in C. Sicut tenor n. 3, de Regul. et plures alii tradunt furiosum non praesumi sanae mentis, quamvis recte faciat, veluti si monasterium ingrediatur, aut tamquam sapiens testetur, veluti si piam causam haeredem instituat : quia, dicunt, si actus gesti dispositio, ut testamenti, recta sit, rationique consentanea, illa tamen fortuito facta videtur, nec a sano gerentis actum iudicio dimanare existimatur, ut in testamento requiri respondit I. C. in I. Iff. de testam. et sanxit Imper. Instit. § Praeterea eod.

Ex dictis iam facilis est resp. ad obiecta a S. Vinculi defensore in IL Inst.

I. Distinguendam esse, ait, veram insaniam, si quis sc. insaniat circa omnia, a dementia quae versatur circa unam rem tantum vel alteram, atque ab amentia temporanea : hac non illa laborabat Catharina ante tempus celebrationis. Resp. Hanc distinctionem praesertim in Catharina non esse admittendam : quia quaedam faciliora et communia vitae officia ex habitu et consuetudine perflciebat : neque eiusmodi