T REVIREN. 283

amentes solent advertere ad, actum, unde consequuntur mala: homo non praesumitur, uti modo dicebamus, sanae mentis si plura iam insaniae signa dedit, sicut contingit in Catha- rina ante actum celebrationis : cuius probata est insania continua etiam ante 18 Martii 1886 : ergo semper praesu- mitur amens. Neque DD. et periti distinguunt praesertim in casu particularem a generali dementia seu furore. Si qua semper fixa idea perturbata in mente est fissazione diceretur italice et non pazzia.

Homo quilibet in iure praesumitur sanae mentis. Resp. praesumitur sanae mentis cum antecedenter semper fuerit sanae mentis : et in dubio erit quod natura praesumit : secus, quando plurima signa amentiae certissima sunt an- tecedenter ad actum, imo in ipso actu.

Negat haereditariam esse dementiam Catharinae. Resp. Et id perperam negatur contra rei veritatem, cum soror eius in domo mente captorum plures egerit menses, frater sibi ipsi mortem consciscere sit conatus, et quod caput est, eius avia insana prorsus et incurabilis effecta sit.

De facto non dedit signa insaniae nr pago nativitatis ubi 35 annos vixit, et huius integri temporis testes omnes interrogati, qui haud pauci sunt, deponunt se non advertisse Catharinam fuisse dementem : ad summum eam dicunt vi- rosam, rixosam, melancholia affectam. Aliud est deponere se non advertisse, aliud est affirmare talem non esse amen- tem : dicunt enim non audivi, non adverti: difficultas, quo- niam versatur circa ann. 1885, canit extra chorum : quaestio enim nostra est de insania et amentia, quam ostendit circa an. 1886, et praesertim a die 18 Martii deinceps eiusdem anni. Insuper ex his testibus plures sunt parentes; alii non adverterunt, quia nullatenus cum huiusmodi gente volebant.

Ad id quod dicitur fuisse semper virosa, profecto amen- tiam insinuât : et facile quis sibi hoc persuadebit qui spe- ciminis gratia nosocomium Kloster-Hofen visitare ausit : profecto magnam partem mulierum istarum prorsus amen- tem esse reperiet. Cf. Advoc. 2. Inst.