BALTH. CORDERII, S. J. INTERPRETATIO.

Ipsi enim Angeli, sicut praediximus, omnes caelestium intelligentiarum ordines complendo terminant, ut qui novissime caelestes inter essentias, angelicam sortiti sint proprietatem ; adeoque prae superioribus istis, hoc rectius a nobis angeli vocentur, quo magis ipsarum hierarchia res evidentiores ac mundanas attingat. Siquidem supremam illam, uti dictum est, distinctionem,tamquam secreto illi sacratissimo primo ordine propinquam, magis abdite putandum est secundae res sacras moderari ; secundam vero, quae sanctis dominationibus et virtutibus ac potestatibus expletur, potestatum et archangelorum atque angelorum hierarchiae praesidere, prima quidem hierarchia manifestius, sed occultius sequente : porro principatuum, archangelorum atque angelorum ordinem explanatorium humanis per vices praeesse hierarchiis : ut hoc ordine ad Deum sit ascensus, et conversio comrnunio-

pere: ut sit per ordinem ad Deum ascensus, et conversio, et communicatio, et unitas., Et quidem a Deo omnibus hierarchicis optime indita, et communicative superveniens, et cum ornatu sacrissimo processio. Inde Theologia nostram hierarchiam Angelis distribuit, principem Judaeoru populi Michaelem nominans, et alios gentium diversos. Statuit enim Excelsus terminos gentium juxta numerum Angelorum Dei .