284 EX S. C. CONCILII

V. « Omnis assertio peritorum praesertim innititur duo- rum vel trium testium incertorum depositione ». Resp. 1) Te- stes adhibiti praesertim pro dementia probanda, quae fuit tempore saltem unius mensis circiter ante matrim, et tem- pore celebrationis matrimonii sunt omni exceptione maiores. Plures et melioris notae testes non potuerunt interrogari, quia post longum tempus iam mortui ; illi igitur qui su- pervivunt, et coutebantur cum eiusmodi gente, interrogati sunt et sufficiunt : nec per se requiritur his in adiunctis1

testimonium septimae manus. Praeterea Doctor Noël et alii non innituntur tantum testimonio, quod per se sufficiens es- set, ad dementiam probandam tempore ritus ; sed ex iis, quae immediate ante et post matrimonium obvenisse testati sunt, atque ex natura seu indole dementiae manifestae, haeredita- riae et insanabilis qua iam a 1. die celebrationis civilis matr. correpta apparuit Catharina, certitudine morali ad asseren- dam amentiam tempore matrimonii iure merito devenerunt.

Quaest. An Catharina tali dementia laborans valide con- traxerit matrim. ?

Resp. Negative atque adeo iure merito Metropolitana Colonien. Curia constare de nullitate dicti matrimonii ex defectu consensus declaravit, ac inflrmandam esse Curiae episcop. Trevirens. sententiam decrevit.

Nam I) c. Dilectus 24 de sponsal. et alibi iura exigunt furiosos separandos utpote inter quos propter alienationem furoris legitimus non potuerit intervenire consensus. Atqui furiosa et quidem chronica probata est Catharina tum ante tum tempore matrim.

2) Insuper non est praetereundus contemptus maximus in maritum Stein vocando ipsum publice sozzone, eique vim faciendo ferreo batillo et huiusmodi iam a 1. die nuptiarum, denudando se impudice coram omnibus, atque cum aliis viris concubi tum desiderando quae vel fatuam prorsus ostendunt, vel contrariam substantiae matrimonii quod est bonum fidei et sacramenti ; adeoque verum matrimonialem consensum excludunt.