DIVISIO ET EXPOSITIO TEXTUS.

A. Si autem quis dixerit, et quomodo Hebraeorum populus reductus est, etc.

In ista parte movet quamdam quaestionem ex praedeterminatis incidentem.

Et dividitur in partes duas. In prima ponit quaestionem. In secunda solutionem, ibi, Respondendum autem.

Est autem quaestio talis. aequaliter se habet angelica hierarchia ad reductionem humanae secundum quamlibet gentem, et ita vel omnes gentes debuerunt reduci per Angelos in cultum Dei,vel nulla : non ergo solus populus Judaeorum reductus fuit in divinas illuminationes.

Littera sic legatur : Diximus, quod nostra hierarchia distribuitur regenda Infimo ordine. Autem, idest, sed si quis objiciendo contra praedicta, dixerit quomodo solus populus Hebraeorum reductus est per Angelos in divinas illuminationes, si statuuntur juxta terminos gentium. Si, inquam, sic dixerit, sic dicendum erit.

Respondendum, etc. Hic solvit posi- cipationes exsistant inaequales, parvae vel magnae, obscurae vel clarae, cum unus sit et simplex, eodemque modo semper se habeat fontalis ille radius qui jugiter est expansus :

tam quaestionem. Et dividitur in duas partes. In prima solvit. In secunda solutionem confirmat, ibi (sig. 6), Et hoc autem tuam, etc.

Prima in duas. In prima enim solvit, ostendendo quod non est inconveniens omnibus aequaliter praefici Angelos, quamvis non omnes aequaliter reducantur. In secunda solvit per interemptionem, ibi (sig. 5), Deinde quia et aliis gentibus, etc.