TREVIREN. 291

•esse censeo, Catharinam ex familia furoris morbo infecta ortam fuisse. Etenim eius Avia 70 circiter aetatis suae anno dementia correpta est. Iacobus Catharinae frater natu maior laqueo se suspendere tentavit , nec hac ab suicidii mania et animi levitate postmodum prorsus liber evasit. Ioannes alter Catharinae Frater octogenariam matrem ador- tus est, eamque inhumane crudeliterque verberavit. Mar- garita soror eiusdem propter libidinem in notoriam insaniam abrepta est, et per tres menses in mentecaptorum Nosocomio moram gessit ; ex qua infirmitate licet convaluerit, hebes "tamen remansit. Omnia demum familiae Catharinae membra, unanimi testium suffragio uti rixosa et fatua recensentur. Haec facta a septem testibus de visu sub iuramenti sancti- tate asserta, luce meridiana clarius demonstrant, ingenii levitatem mentisque perturbationem ab Avia ad praesentia membra familiae manasse. Haud me latet haec facta aliter explicari a Defensore vinculi in secunda instantia. Inquit enim, haec omnia non furorem redolere, sed potius nequi- tiam et ingenium ad rixas et venerem proclive. Verum, haec animadversio, esto improbabilis non sit sed ingeniosa, facta tamen narrata neque infirmât nec vero destruit. Equi^ dem sit ita, ut cl. Defensor dicit, quod scilicet familia, vel, si mavult quisquam, Catharina Hieronymus habeat ingenium ad rixas1 et ad venerem proclive, habeat quoque naturalem nequitiam... Sit i t a : quid inde? Ergo Catharina non est furore maniaco detenta ? Non sequitur illatio, quoniam est Psychiatriae Peritorum sententia, quod signa et non raro oausae amentiae, sunt tam venus quam ira. Unde satis pro- babiliter conficitur Catharinam eiusque sororem et fratres, prolapsos esse in amentiam ex irae et luxuriae cultu. Quid- quid igitur apponat Rmus vinculi Defensor, iure mihi vi- detur sustinendum haereditarium fuisse in familia Catha- rinae furorem maniacum. Eo vel magis, quia huic senten- tiae evidenter favent medici, ipsemet Sacri vinculi defensor in prima instantia, et iudices primae instantiae eiusdem.

Infelix Catharina prae ceteris nativum hunc insaniae