EXPOSITIO TEXTUS.

B. Respondendum, quia, etc.

Littera sic legatur : Si, inquam, quis sic dixerit, respondendum erit, quia non oportet accusari, id est, inculpari Dominationes, id est, praelationes, non enim sumitur pro speciali ordine, Angelorum rectas, id est, nihil de rectitudinis via erga subditos negligentes de errore gentium aliorum a Judaeis in non existentes Deos, id est, in idola quae non sunt dii, sed oportet accusari illos ipsos, scilicet gentiles, ut recidentes ex ea recta reductione quae est in divinum,id est,in Deum, ab Angelis recidentes dico propriis inflexionibus, id est, motibus rationis, qui sunt ex seipsis quibus flectuntur ad malum hoc, scilicet ex proprio amore , id est, inordinato ex consentiendo sibi, et superbia in subjiciendo se aliis, quae sunt radices peccatorum: inflexionibus dico ex amore et superbia visorum ipsis, id est, eorum quae opinantur divinitus, id est, esse divina, et corrationabiliter cultui, id est, esse decentia divinum cultum : sequentes enim motus proprios rationis, deos sibi et cultum divinum ad libitum constituebant. Et non solum hoc accidit in gentibus, sed et, idest, etiam ipse populus Hebraeorum perhibetur, in Scripturis, esse perpessus hoc, cilicet quod se-

queretur motus proprios. Enim, id est, quia Scriptura ait, Osee, IV, 6 : Cognitionem Dei repulisti, et existi post cor tuum, sequendo proprios motus. Nostra littera habet: Quia tu scientiam repulisti, repellam te, ne sacerdotio fungaris mihi. Et dictorum rationes assignat deas, dicens : Enim, id est, quia neque habemus nos homines coactam vitam, sed liberam voluntatem : et ideo nobis non coacti relinquimur : et haec est una ratio. Et consequenter ponit aliam, dicens : neque etiam divina lumina illuminationis provid ae , id est, provisae a Deo ad salutem hominum, revelantur eis, id est, revelata recipiunt per potestatem Angelorum providentium, id est, infundentium illuminationes : quod enim recipitur in altero, secundum Philosophum, recipitur in eo per modum recipientis, et non secundum facultatem dantis : sed, propter diversitatem recipientium, dissimilitudovisionum intellectualium facit donationem lucis a bonitate divina superplena, quantum ad copiam effusionis, paterna, quantum ad affectum dilectionis: aut omnino non participatam ab his quae omnino sunt indispositi, aut facit in his qui sunt capaces pro diversitate capacitatis differentes participationes parvas aut magnas, quantum ad differentiam revelatorum, obscuras aut claras, secundum differentiam luminis, quod est medium cognoscendi . Participationes dico radii divini luminis unius, prout ad unum ducit, et simplicis, prout ab uno procedit, et semper habentis se eodem modo, secundum quod in se non variatur ex varietate receptionum,ut in primo capite dictum est, et superexpansi, secundum quod super omnia diffunditur, fontalis, secundum quod est principium et origo totius perfectionis in rebus.