TREVIREN. 295

fuisse) quod studium magis placendi sponso suo vel copiosio- res meri haustus, sive denique ipsamet bacchanalia festa quae tunc agebantur, animum Catharinae plus aequo extulerint, eamque ad sic agendum pellexerint. Ceterum hoc etiam dato, semper mirum inusitatumque est, quod puella in aliena domo consistens, coram Pa t re , Sponso, ceterisque tam obscoene cantet. Hoc ut quisque per se videt, non suetam tantum iuve- nilem levitatem ac licentiam sapit, verum etiam animum prodit, qui et sensum moralem et iudicii serenitatem amisit.

Quatuor testes omnimode fide digni narrant : quod anno 1885 Catharina licet perfecta valetudine polieret, morientium nihilominus sacramentis muniri instantissime postulavit. Porro cuique vel leviter consideranti factum istud cum omnibus circumstantiis relatis a Parocho Lam- berto Hack, qui ipsam invisit ut eidem sacramenta tam pertinaciter petita ministraret, (quas brevitatis gratia prae- tereo), illico apparet hic agi de vero furore, quo Catharina ad plures horas exagitata fuit. Age vero testes quos hic doctissimus Defensor congerit, pertinent ad locum nativi- tatis Catharinae, qui dicunt, non audivi, non animadverti ipsam insanam fuisse. Nemo non videt, argumentum hoc prorsus negativum, evertere nequaquam posse facta superius citata, aliaque infra commemoranda alibi eventa, proindeque ab ipsis testibus penitus ignorata. Testimonium itaque per- sonarum loci nativitatis Catharinae, non recte affertur ad astruendam mentis sanitatem eiusdem pro illo tempore, quo Catharina a patria absens, amanter se gessit.

Immediate ante matrimonium Catharina processum in- tendit contra Iosephum Wilhelmi, quia turpia, uti affirma- bat, in ipsam intentasset. Nunc autem accusatus liber evasit, eo quod Catharina ratione suae mentalis conditionis haud fide digna Iudicibus visa sit.

Testes complures deponunt quod Catharina antequam ma- trimonio cum Petro copularetur, in eiusdem domo se recepit et cum ipso tribus ferme hebdomadibus individuam vitae consuetudinem egit.