295. De sancto Findano.

1. Sol ille verus, qui Deus omnia
Circumdat atque vi penetrat sua
Ad usque finem occidui maris,
Laudetur usque aetheris ultima.

2. Quo comprimente saeva pericula
Actus per orbis quaelibet avia,
Findane, nostros advena terminos
Tandem subisti hoc duce praevio.

8. Tu praeda monstris factus aquaticis
Jonae videntis more prophetico,
Vitae levamen inde receperas,
Discrimen unde credere poteras.

4. Te barbarorum turba piratica
Pacis ferentem mutua nuntia,
In servitutem detinuit dolo,
Judas ut lierum tradidit osculo.

5. Orbis redemptor te dedit obsidem
Pro liberandis nunc ovibus suis,
Qui pro salute mortuus omnium
Suo parente se semel obtulit.

6. Ergo sit uni laus et honor Deo,
Regi polorum, perpetuo patri,
Cui compar exstat filius UDicus
Et pneuma sacrum saecla per omnia.