TRE VIREN. 297

Catharinam insaniisse circa matrimonium. Verum attenta qualitate et pondere morbi, id supervacaneum omnino erat. Stant ergo in toto suo robore vota iurata Peritorum in arte Psychiatri, quae idcirco authenticum itidemque certum sup- peditant argumentum pro amentia Catharinae in actu nu- ptiarum stabilienda.

ANIMADVERSIONES DEFENSORIS MATRIMONII EX OFFICIO. Pe-

trus adversus matrimonium dimicare coepit, contendens Ca- tharinam ad amentiam reductam antequam connubium mi- retur. Et cum a laico magistratu die 14 Iulii 1896 senten- tiam obtinuisset, qua cassabatur civile vinculum, postea ec- clesiasticum Augustae Trevirorum adiit tribunal ; sed malis prorsus avibus. Etenim reverendissima trevirensis curia, controversia mature ventilata, iudicium absolvit sententia: « Non constare de nullitate matrimonii ».

Haud me latet metropolitanam Coloniae curiam ad quam Petri patronus provocavit, decrevisse : 1. Sententiam pri- mae instantiae non1 esse sustinendam. 2. Attento cap. 24, X, 4, 1, matrimonium inter Petrum Stein et Catharinam Hieronymus nullum esse.

Coloniensis iudicis sententia arridet lectissimis consul- toribus, theologo et canonistae : sed haud levia praesto sunt argumenta in contrarium. Et quoniam coloniensis iu- dex provocat ad cap. 24, de sponsal. et matrim., sinite Pa- tres Amplissmi, ut fidelibus E E . V V. oculis pauca suppo- nant, quae ad. rem habentur in iure.

Profecto caus. 32, q. 7, can. 25 cavetur : « Hi, qui ma- trimonium sani contraxerint ; et uni ex duobus amentia aut furor, aut aliqua infirmitas accesserit ; ob infirmitatem con- iugia talium solvi non possunt. Similiter sentiendum de his, qui ab adversariis excaecantur, aut membris truncantur, aut a barbaris exsecti fuerint ».

Hanc doctrinam ita contrahit Fabianus papa in cit. caus. 32, q. 7, can. 26 ; (ibi) « Neque furiosus, neque fu- riosa matrimonium contrahere possunt : sed si contractum fuerit, non separentur ».