300. De sancto Gabriele.

1. Urbs Nazareth, flos de flore,

Audi evangelium:
Jesse virga, ros de rore,

Gignit rosa lilium,
Cum Maria miro more

Profert Dei filium.

2. Venit Gabriel e coelo

Nuntius altissimi;
Non alatus tectus velo,

Sed vultu placabili,
De sponsi adventu zelo

Nova dicit virgini.

3. Audit virgo et miratur,

Gabriel dixit ei:
Ne timeris, nam dignatur

Venire verbum Dei,
Omne, quod vult, operatur,

Inclina cor fidei.

4. Post responsum gratum, bonum
Et adventum Domini,

Gaudet Gabriel ad votum
Vale dicens virgini,

Tunc in coelo facit notum,
Angeli, laetamini.

5. His auditis gaudet multum

Tota coeli curia,
Nam amplius est indultum,

Ut fiat ecclesia,
Per hominem jam assumptum

Et in terra gloria.
6. Semper sanctae trinitati

Laus et jubilatio,
Exin verbi incarnati

Detur benedictio,
Nazarenae civitati,

Mariae et nuntio.