PH AREN.

303

I U R I U M

Die 13 Iunii et 25 Iulii 1896 Sess . 25 cap . 12 De r e for m.

C O M P E N D I U M F A C T I . In dioecesi Pharensi in Dalmatia, ab anno 1886, quaestio inter parochum Cosimum .Scarpa et municipium Civitatisveteris vulgo Stangarci, exardet circa celebrationem missae solemnis in die commemorationis Omnium fidelium defunctorum, canendae in ecclesia coemeteriali, nec non circa administrationem nonnullarum eleemosynarum in apposita capsula eiusdem oratorii collectarum. En praesentis contestatae litis ratio, cuius originem sequentia explicant facti adiuncta.

Anno 1838, ad quem usque defuncti in coemeterio, pa- rochiali ecclesiae continenti, sepeliebantur, auctoritas muni- cipalis Civitatisveteris, decretis imperialibus obtemperandi gratia, quae fideles in ecclesiis inhumari vetabant, in fundo liberaliter oblato, opera et sumptibus privatorum civium nec non propriis expensis, commune coemeterium extruere curavit.

Quippe hoc sepulturae fidelium catholicorum inservire debebat, municipium civium votis obsecundans, idem sa- cello ornare et veluti perficere statuit ; quod oblationibus collatis et redditibus ex coemeterii usu municipio obvenien- tibus in id erogatis excitatum fuit. Sub anno 1876 cultui publico oratorium dicatum fuit sub titulo Beatae Mariae Vir- ginis Moerentissimae, idemque Oratorium cultui provehendo, processu temporis, altari in perpetuum privilegiato et in- dulgentia plenaria bis in anno a fidelibus lucranda, au- ctum fuit.

Quolibet vero anno, die commemorationis omnium de- functorum iusta funebria solemniter persolvebantur vel a parocho ipso vel ab alio, ab eo delegato, cui a municipio exsolvebantur expensae ; stype detracta e capsula in eccle- sia exposita. Res ita se habuit usque ad adventum hodierni parochi.