SORANA 303

veritatem evincere per titulos aequipollentes, et per depo- sitiones personarum, quae totam merentur fidem.

Disceptatio Synoptica.

DEFENSIO ABBATIS. Advocatus Abbatis S. Leonardi notat in primis. Episcopum nihil prorsus probare valuisse quoad observantiam decreti Episcopi Giovannelli, sed dixisse, docu- menta eam probantia, igni absumpta fuisse. At e contra, ait procurator, Abbas argumenta iam attulit, ex oppidano- rum praesertim attestatione deprompta (vulgo atti notori), quae ostendunt sibi et decessoribus oblationum administra- tionem constantissime pertinuisse.

Nihilominus, instat orator, Abbas nova documenta habet in promptu, quae modo profert. Et primum affert codices manuscriptos, in quibus missae quotannis adnotari solent. Hi codices incipiunt ab anno 1852 et pertinent usque ad nostra tempora. Unde eruitur, occasione festivitatis, Abba- tem, propria auctoritate missas collegisse ; easque assidue ad sua libita sacerdotibus sibi benevisis distribuisse sine ulla prorsus dependentia a Curia Episcopali. « Messe raccolte nella chiesa di S. Gerardo dall'Abate Parroco Giacomo Or- lando e dallo stesso distribuite ai qui sotto indicati sacer- doti e monaci di comunità religiose ». Quin etiam si quando archipresbyter S. Nicolai, et ipse Soranae dioeceseos Vicarius Generalis ad missas istas celebrandas admissi sunt : eas non utique, iure proprio celebrarunt, sed quia illis ab Abbate S. Leonardi celebratio concredita est. Quod quidem, iuxta advocatum consuetudinem Abbati favorabilem mirifice evin- cit, et ostendit Episcop. Giovanetti decreti nullum penitus vestigium superfuisse. Nam ad tramitem huius decreti, missarum collectio et earum distributio ad curiam perti- nuissent, quae nunc Abbatem nunc Archipresbyterum dele- gare debuisset.

Nec obiici potest, iuxta advocatum, abbatem missas col- legisse et distribuisse ex curiae delegatione. Nam codices ita sunt conditi, ut non modo nulla fiat delegationis mentio,