305. De sancto Gereone et Sociis.

1. Laeta martyribus mente canamus
Thebcis proprium dulciter hymnum,
Quorum terrigenis festa revexit
Solis vinicoqui splendidus axis.

2. Nunc vites avidis musta colonis
Exsudant ebria, sed pia nobis
In Christo solida vite rubentes
Hi dant melliflui gaudia botri.

3. Diri quos rabies saeva tyranni
Discerpsit lacerans Maximiani,
Fido bis decimis dente resectis
Prelo nectareas subdidit uvas.

4. Hinc musti scaturit dulce fluentum,
Quo nos ut recrees, strenue princeps
Et dux militiae sancte, precamur,
Mauriti, miseros labe gravatos.

5. Nunc felix legio strenua, mortis
Victrix, purpureo tincta cruore,
Nobis supplicibus flecte minantem
Nostris flagitiis judicis iram.

6. Sit laus digna patri, summa potestas
Sit Christo genito, sit quoque sancto
Virtus spiritui, qui Deus unus
Regnat perpetuo cuncta, gubernans.