506 COMMENTARIUM

28 Decembris 1878 apertissime affirmat, Socialistas, Nihilistas, Communistas unam Sectam constituere, et arctissimo inter se esse foedere colligatus. «Intelligitis nos de illa hominum secta « loqui, qui diversis ac pene barbaris nominibus, Socialistae, « Communistae, et Nihilistae appellantur, quique per univer- « sum orbem diffusi, et iniquo inter se foedere arctissime col- « ligati etc, ». Atqui nemo negabit Communistas et Nihilistas sub Leonis XIII paragrapho concludi; ergo etiam Socialistae con- cludentur qui cum illis unam sectam constituunt, atque sunt arctissimo foedere colligati.

3. Affirmat Pontifex, Socialistarum doctrinam ab Sectis Ma- sonicis originem duxisse, Romanosque Pontifices ut alias se- ctas masónicas, ita et Socialismum qui ex illis erupit damnasse. Recensitis enim Constitutionibus Clementis XII, Benedicti XIV, Pii VI, Pii VII et Leonis XII , subdit : « Omnibus denique ma- « nifestum est quibus gravissimis verbis et quanta animi firmi- « tate ac constantia gloriosus decessor noster Pius IX f. m. sive « allocutionibus habitis, sive litteris encyclicis ad totius orbis « Episcopos datis, tum contra iniqua Sectarum conamina, tum « nominatim contra iam ex ipsis erumpentem Socialismi pestem « dimicavit».

4. Socialismum Sectam appellat, atque Episcopos rogat ut solertem operam adhibeant, ne Christi fideles ei dent nomen. « Adlaboretis oportet, ut Ecclesiae catholicae filii neque nomen « dare, neque abominatae Sectae favere ulla ratione audeant ». Cum igitur Romanus Pontifex et sectam appellet, et a Sectis Masonicis erumpere Socialismum proclamet, tutum non est af- firmare, illum uti factionem politicam potius quam sectam posse considerari.

5. Demum per universam Constitutionem a se latam invi- ctis argumentis demonstrat Pontifex, Socialistas tum Ecclesiae, tum civili potestati perniciem inferre.

Quamvis igitur ex Romanis Congregationibus nondum de- cretum aliquod prodierit, quo socialistae sectis masonicis ad- numerentur, tamen cum apertas in re Romanorum Pontificum sententias habeamus, satis superque habendum est, ut libri qui Socialismum utilem et non perniciosum Ecclesiae et civili So- cietati esse contendunt, sub praesenti paragrapho concludantur. Suprema vero S. Officii Congregatio, nisi nos fallat opinio, id- circo abstinuit abnumerandis socialistis inter sectas masónicas,