EXPOSITIO TEXTUS.

Littera sic legatur : Itaque ut patet ex prius determinatis ipsa quidem honorabilissima, id est, prima dispositio, id est, hierarchia, animorum, id est, intellectuum, scilicet Angelorum existentium, circa Deum, est connexa ad alias, sic, id est, tali dispositione propria sibi, ex perfectiva illuminatione ordinata supra alios, scilicet divina, ascendendo immediate in eam, scilicet illuminationem divinam, ei sic ipsa purgatur, et perficitur, et illuminatur illuminatione divinitatis, immediate existens, occultior aliis secundum propinquitatem ad inaccessabile lumen, et manifestior secundum participationem luminis divini quae est omnis cognitionis principium. Occultior quidem est prima dispositio tamquam invisibilior propter abundantiam luminis, et magis simplificat a, secundum quod exit immediate a primo simplici, et magis unificata, secundum reductionem in unum. Manifestior vero est quantum ad suam illuminationem, ut ante data, secundum quod ejus illuminatio immediate a primo accipitur, et ut primo lucens, prout diffunditur super sequentia, et ut universalior, secundum quod habet unite ea quae sunt inferiorum multipliciter, et magis effusa, scilicet a primo in eam per lumen divinum delata, forma cognitionis, ut oportet, id est, secundum naturam formae, quae consistit in simplicitate et actualitate. Ab ipsa autem, scilicet prima dispositione reducitur iterum secunda propor-

tionaliter sibi, et haec est dispositio ejus propria, ut reducatur per primam, ei a secunda reducitur tertia, et ex tertia quae ultima est in caelestibus, reducitur hierarchia secundum nos, id. est, humana : et hoc fit secundum legem ipsam divinae ordinationis bene ornantis omnia, id est, decenter donis perficientis, quae est per prima media, et per haec media ultima reducere. Reducitur dico hierarchice ad principium superprincipale, scilicet Deum, qui supereminenter est causa omnis simul accepti boni ornatus, et ad consummationem hierarchiae, scilicet Deum, quia ab ipso et in Ipso sunt omnia : et hoc fit in harmonia divina active, qua Deus quadam proportionata ordinatione disponit omnia, et similiter in analogia propria unicuique quantum ad unum principium et finem. Unde non similiter, sed proportionaliter omnia ordinantur. Et dicitur harmonia, secundum quod diversae capacitatis perfectae sunt differentibus donis : analogia vero secundum diversam proportionem capacitatis in se. Et hoc est primum in quo connectuntur, scilicet in ordinatione ad principium et finem unum.

Deinde ponit secundum in quo connectuntur omnes,scilicet in actu manifestandi per modum quo effectus manifestat causam : unde hoc consequitur exprimo.

Dicit ergo : Non solum connectuntur in ordine ad principium unum, autem, id est, sed omnes sunt manifestatores, sicut ferrum Ignitum manifestat ignem, et, id est, etiam Angeli, non solum homines sunt manifestatores eorum quae sunt ante, i d est, supra ipsos, per quos illuminantur. Et ipsi quidem honorabilissinti, qui scilicet sunt In prima hierarchia, sunt manifestatores Dei moventis omnes illuminando : caeteri autem, scilicet inferiores sunt manifestatores primorum motorum ex Deo per illuminationes proportionaliter sibi: cum enim non manifestent primos nisi secundum quod participant lumen primorum, non perfecte manifestant: et ideo dico proportionaliter. Enim, id est, quia superessentialis harmonia omnium active, id est, Deus, qui omnia in quadam proportione ordinat, tantum providit unicuique rationalium, id est, hominum, et intellectualium, id est, Angelorum, sacro ornatu, id est, in collatione donorum ornantium, et ordinata ductione, id est, reductione, ut scilicet posset reducere alium vel reduci quantum unusquisque ordo hierarchiarum est positus, id est, dispositus in gradu ab ipso Deo, sacre, quia circa sacra dona et actiones, et decenter, id est, secundum proportionem uniuscujusque.