B. DUBIUM.

Sed hic est dubium, uude sit haec diversa ratio ordinis cui proportionaliter providit Deus.

1. Et videtur, quod non sit ex parte ipsius Dei, cum ipse uno modo se habent et sit unum simplex : tale autem natum est unum facere.

2, Item nec videtur esse ex materia : quia " spiritualia materia carent)) secun-

dum Boetium, et ita secundum hoc omnia erunt ejusdem positionis.

3. Item, Mathematica (quae.sunt separata secundum rationem tantum). sunt ejusdem ordinis in simplicitate : ergo videtur, quod etiam spirituales substantiae separatae per esse et rationem.

4. Praeterea, In nobis est diversa dispositio intellectus ex diversa commixtione contrariorum. Unde dicit Philosophus, quod " molles carne bene aptos " mente videmus : " talis autem commixtio non est in Angelis : ergo non videtur, quod sit in eis diversus gradus in receptionis facilitate.

Solutio. Dicimus, quod istius diversae positionis non est causa nisi quantum sit in eis ex ordine divinae sapientiae intendentis ex diversis gradibus unum bonum universi, ut supra habitum est. Et licet hoc sit unum simplex, nihilominus ex ordine sapientiae producit res diversarum dispositionum : quia non agit necessitate naturae, sed libertate voluntatis. Et sic patet solutio ad primum.

Ad secundum dicendum, quod gradus diversae positionis non est in eis per recessum a materia, sed per majorem et minorem accessum ad unum primum : in mathematicis autem non est ordo ad unum: et ideo ex neutra parte habent diversos gradus. Et sic patet solutio ad tertium.

Ad quartum dicendum, quod diversa dispositio animae non est ex diversa commixtione contrariorum sicut ex causa, cum potius diversitas quae est in materia, procedit ex diversitate formae: sed diversa commixtio est signum dispositionis animae diversae, causa vero ejus est secundum accessum ad unum simplex.

2