318 EX S. C. INQUISITIONIS

primam fermentationem iam duodecim vis alcoolicae gradus exsuperant, ad quos massilensia, nec permissa succi alcoolici additione pertingunt.

Nihilominus ut haec generosa et dulcia vina, licet maiori, qua massilensia, virtute praedita, ad exteras nationes tuto ex- por tan queat, decem et octo vis alcoolicae gradibus polleant oportet; secus enim propter ipsam eorum dulcedinem novis fermentationibus sunt obnoxia, et in maris transmissione, ut plu- r imum acescunt.

Quam ob rem vinarii nostri mercatores, eosque inter maxi- me Augustinus Müller, vir de religione catholica optime meritus, gratiam implorant ei similem quae Episcopi Massiliensis supra laudati votis concessa fuit, facultate videlicet roborandi spiritu seu alcool, ex genimine quidem vitis extracto, vina praesertim dulcia, ita ut ea quae naturaliter plus minusve ad quindecim vis alcoolicae gradus pertingunt, ad octodecim increscant. Ita enim eorum impeditur corruptio, quam iteratis fermentationibus subire solent, tutiusque evehi possunt ad exteras nationes quae apto vino carent ad decorose litandum.

Praeterea, ut aiunt, in nonnullis Hispaniae regionibus viget perantiqua consuetudo qua plures Sacerdotes vinum pro S. Mis- sae Sacrificio sibi conficiunt praemissa vel ignea musti evapo- r a t a n e vel uvarum ad solis radios exsiccatione, qui mos coho- nestan videtur declaratione S. Officii die 22 iulii 1706 circa vi- num ex acinis uvae passae confectum.

Hisce praehabitis, ad omnem in re tanti momenti dubita- tionem auferendam, Archiepiscopus Orator humiliter declarari postulat.

I. Utrum praelaudatis vinis, praesertim dulcibus, pro eo- rumdem conservatione, tantum spiritus seu alcool, ex uva de- prompta addi queat, ut ad septemdecim circiter vel octodecim vis alcoolicae gradus increscant : quin cessent exinde esse materia apta pro S. Missae Sacrificio.

II. Utrum licitum sit ad S. Missae Sacrificium conficiendum uti vino ex musto obtento, quod ante fermentationem vinosam per evaporationem igneam condensatum est.

Feria IV, die 6 Augusti 1896.

In Congregatione Generali Sanctae Romanae et Universalis Inquisitionis proposita suprascripta instantia, praehabitoque Re-