318 C O M M E N T A R I U M

simum sit, ita ut nulla excipiatur, illud referebatur ad particu- lares tantummodo Indulgentias, quae concessae perhibebantur nonnullis Coronis, Crucibus, Ordinibus religiosis, Confraterni- tatibus, Collegiis etc.; quas qui nosse vult, legat Indicem libro- rum prohibitorum Decreta de libris prohibitis, nec in Indice nominatim expressis, § III, n. 9.

55. Hac in paragrapho 17 sermo est de veris legitimisque Indulgentiis, quarum concessiones publicari non debent absque competentis auctoritatis licentia; de veris, dicimus, Indulgentiis; etenim falsae et apocryphae numquam concessae fuerunt, et in terminis repugnat ut concedantur; si enim a legitima aucto- ritate concedantur, neque falsae, neque apocryphae sunt.

Per Indulgentiarum libros intelliguntur variarum Indulgen- tiarum concessiones in volumen compactae atque publicatae.

Summaria sunt compendia quaedam, quibus variae Indul- gentiae indicantur, earumque concessionum decreta citantur, aut breviter referuntur, quin ad verbum allegentur.

Libelli sunt parvae molis libri, quibus concessae Indulgen- tiae, paucae plerumque, absque vel cum adnexis decretis refe- runtur, exponuntur, et Christifidelibus commendantur.

Folia, constant duabus vel pluribus paginis iuxta editionis magnitudinem, quam quis adoptât; in folio, in 4°, in 8°, in 16°, in 24°, quibus aliqua Indulgentia proponitur, et pietati fidelium commendatur.

At quaecumque sit forma typographica publicationis, nihil potest relate ad Indulgentias publicari, absque competentis au- ctoritatis licentia.

Et illico duplex quaestio dirimenda est; quarum prima in- quiritur: Quaenam sit haec competens auctoritas, a qua petenda publicandarum Indulgentiarum licentia sit?

2. An Indulgentiarum etiam legitimarum libri, summaria etc. si publicati absque licentia competentis auctoritatis fuerint, pro- hibiti maneant ?

Quantum ad 1. quaestionem attinet sciendum est, post pu- blicationem Constit. Officiorum ac munerum sequens dubium ad S. Indicis Congregationem propositum fuisse : « Utrum in Decreto « n. 17 Decretorum generalium de prohibitione et censura libro- « rum nuper a SS. D. N. Leone Papa XIII editorum, verba haec: « non publicentur absque competentis auctoritatis licentia, ita «sint intelligenda, ut in posterum: Indulgentiarum libri, libelli,