321. De sancta Hedwige.

1. Coeli sonant, nos canamus,
Laetetur Polonia,
Generosae recolamus
Ducissae solemnia,
Prece cujus ascendamus
Ad aeterna gaudia.
2. Haec Hedwigis, Christi rosa,
Flore florens gratiae,
Sibi spina stimulosa

Poenis poenitentiae,
Alienis fructuosa
Nardus alimoniae.

3. Corpus extra castigavit

Zona cum cilicio,
Intus carnem maceravit

Fletu cum jejunio,
Cor in fine roboravit

Vera contemplatio.

4. Ad quid loquar, quos gustavit

Panes, cibos, pocula?
Sic luctando terminavit

Hujus vitae saecula,
Pro qua Deus tot monstravit

In terris miracula.
5. Suscitatur puer sanus

Rolatus in flumine,
Dependentes levat manus

Simon quidam nomine,
Orba visu videt anus

Restaurata lumine.
6. Gloria et honor Deo

Usquequo altissimo,
Una patri filioque,

Inclito paraclito,
Cui laus est et potestas

Per aeterna saecula.