328 COMMENTARIUM

Quoad alteram quaestionem, qua expendere proposuimus: utrum Indulgentiarum etiam legitimarum libri, Summaria etc. proscripti sint habendi, si publicentur absque competentis au- ctoritatis licentia (quam tamen inquisitionem etiam ad alios li- bros extendimus), negativam sententiam veram esse censemus. Etenim :

I o . Leo XIII antiquum ius abrogavit, illudque mitius red- dere voluit in iis Sanctionibus quas retinuit, quasque tamen voluit ut ex lata a se tantum Constitutione vim haberent atque auctoritatem: sed in antiquo iure nullum aderat absolutum aut generale decretum, quo sanciretur, libros alioquin innoxios pro- hibitioni esse subiiciendos si absque legitima facultate publica- rentur : multo igitur minus in nova legislatione, quae mitior est, eiusmodi Sanctionem licet admittere. Nec opponantur sive Decreta de libris prohibitis nec in Indice nominatim egressis, quibus proscribuntur etiam libri innocuae lectionis, sive Decre- tum Sanctissimus ab Urbano VIII latum die 18 Septembris 1625, quo prohibitioni subdit illorum libros qui in Statu Pontificio, vel Romae commorantes, posthabita Episcopi, Inquisitoris, aut S. Palatii Apostolici Magistri licentia, eos alio imprimendos mit- tebant (a); cuius prohibitionis ratio eadem in universum re» peritur.

Haec prefecto non opponantur; Etenim citata Decreta in Indice inserta non constituunt absolutum et generale decretum,

(a) « Sanctissimus Dominus noster pro debito sui pastoralis officii corrigere « volens abusus nonnullorum in Statu Sedi Apostolicae mediate vel immediate « subiecto existentium, qui libros a se compositos extra praefatum stai um, absque « ulla Ordinariorum et inquisitorum loci ubi degunt, approbatione, imprimendos « transmittunt, statuit ei decrevit, ut imposterum nemo in statu praedicto degens, « cuiusvis conditionis, gradus, ordinis et dignitatis existat, libros de quavis materia « tractantes, et ubicumque compositos, audeant alio deferre vel mittere imprimendos « sine expressa 'n scriptis approbatione Illustrissimi et Reverendissimi O Domini « Cardinalis SS. D. N. Vicarii, et Magistri S. Palatii, si in Urbe, si vero extra Urbem « existat, sine Ordinarii et Inquisitoris loci illius, sive ab iis deputatorum facultate « et licentia operi praefigenda. - Libros autem quos contra praesentis decreti teno- « rem imprimi contigerit, praeter alias poenas arbitrio Suae Sanctitatis infligendas, « absque alia declaratione, ex nunc prohibet, ei pro expresse prohibitis haberi vult « et mandat »..

O Cardinales nondum titulum Eminentissimorum consecuti anno 1625 fuerant quem ab eodem Urbano consecuti sunt anno 1630, lato decreto die 10 Iunii. Inno- centius X autem Const. Militantis Ecclesiae lata die 19 Decemvris 1644, praecepit ut Cardinales, aliis sepositis, unico Eminentissimorum titulo contenti essent.