332 EX S. POENITENTIARIA APOSTOLICA

XVII. Si quod super veniat Indultum, quo visitationum nu- merus initio praescriptus ad minorem redigatur, quisquis ante eiusmodi indultum visitationes Basilicarum per aliquas vices peregerit, visitationes a se iam peractas utiliter ipse computare poterit ad conficiendum numerum visitationum eo indulto prae- scriptarum, superaddendo nimirum alias, quae desint ad ex- plendam summam indulto praefinitam. Si vero summam seu numerum Indulto praefinitum antea iam expleverit, vel etiam excesserit, unum saltem diem visitationis quatuor Basilicarum praeterea adiungat, ut indulti beneficio uti valeat (ex § 50 et ex Const. Inter praeteritos § 82).

XVIII. Iniunctae piae preces, in singularum visitatione Basi- licarum, ad fines Sanctitati Suae propositos et in Bulla indictio- nis expressos, effundendae, satis erit si vocales fuerint. Qui sola mente ad eosdem fines orare voluerit, laudandus est ; aliquam tamen etiam vocalem orationem adiungat (ex § 51).

XIX. Qui per Anni Sancti spatium bis aut pluries omnia et singula opera, primitus in huius Iubilaei indictione praescripta, vel superveniente forsan aliquo indulto ea quae in ipsius In- dulti concessione pro eiusdem Iubilaei consecutione praescri- buntur, plene iteraverit; vel prius ad Indictionis, deinde ad In- dulti formam, vel prius ad formam Indulti unius, deinde ad al- terius fortasse diversi formam, ut praefertur, iteraverit, bis quo- que aut pluries poterit Anni Sancti Iubilaeum lucrari. Ita enim habita ratione annui spatii, ad quod huiusmodi Iubilaeum pro- tenditur, placuit Sanctitati Suae de Apostolicae liberalitàtis ple- nitudine indulgere, ita tamen ut qui semel illarum gratiarum par- ticeps factus est prima vice qua Iubilaeum consecutus est seu qua omnia praescripta opera implevit, iterum earum particeps fieri non poterit, si post primam Iubilaei acquisitionem iterum in censuras incurrerit, aut casus reservatos commiserit, vel no- vis votorum dispensationibus aut commutationibus indigeat (Convocatis §52 - Inter praeteritos § 84).

Si vero forte alicui huiusmodi gratiarum necessitas tunc solum occurrat, postquam iam acquisiverit Iubilaeum, seu post- quam omnia opera praescripta impleverit, semel iisdem gratiis eum gaudere posse Sanctitas Sua benigne concedit.

XX. Absolutio a censuris, praeter eas quae datae sint ad reincidentiam ; item commutationes votorum et dispensationes iuxta concessas Iubilaei anno respectivas facultates, semel ob-